Novas por contido

Ademais das recentes amortizacións da Consellaría de Traballo, moitas das cales levan implicadas despedimentos, desta volta a Administración achéganos a súa proposta de amortización de varios postos de persoal laboral no servizo de infraestruturas.

A Administración presenta esta proposta para o seu informe ao abeiro do artigo 4 do V Convenio Colectivo polo que se deduce que se tratan de prazas vacantes. En calquera caso, podedes achegar as vosas consideracións ao noso correo electrónico habitual. Por certo, non sabemos se se debe a ansía de amortizar que agora resulta que na proposta a Administración coloca ao Servizo de Infraestruturas na Consellaría de Traballo.

Descargar postos a amortizar


Outras novas recentes

Mércores, 11 Setembro 2024

A Xunta provoca o descontento entre o persoal coidador

O modelo de funcionarización aprobado pola Xunta ven de provocar unha vez máis situacións de agravio, inxustiza e malestar. Realizar unha funcionarización dunha categoría (creando unha escala de persoal funcionario) e os postos da mesma SEN FUNCIONARIZAR AO PERSOAL da lugar a que o persoal laboral fixo quede relegado ao perder dereitos de mobilidade. Isto vese agravado...
Mércores, 11 Setembro 2024

Eloína, a curmá de Feijoo, enchufada ás agachadas sen nomeala por libre designación

Utilizan en fraude de lei a figura da comisión de servizos, que a lei establece como excepcional, para que non tivera publicidade a través do DOG. Cando se soubo que Eloína Núñez pasou a desempeñar o posto de subdirectora xeral houbo quen pensou que o seu nomeamento se publicaría no DOG despois de convocar o posto polo procedemento de libre designación. Pero isto implicaría...
Mércores, 11 Setembro 2024

RPT Agacal, RPT de funcionarización (para MSF e MX 13/09/24)

A directora xeral de Emprego Público e Administración de Persoal (DXEP) convocounos a unha xuntanza da Mesa Xeral de Empregados Públicos e da Mesa Sectorial de Persoal Funcionario, que serán o venres 13 de setembro, coa seguinte Orde do día: Para a MSF: RPT de AGACAL. Descargar (comentar que a anterior xuntanza foi en SETEMBRO DO 2023) Para a MX RPT de funcionarización de...