Pasou correndo a semana pasada pola Mesa Xeral do luns, a comisión de persoal do mércores e o Consello da Xunta do xoves, aproveitando para ter tema do que falar na rolda de prensa. Na súa nota, a Xunta insiste moito na contención do gasto, a austeirdade e o cumprimento do rigor do establecido por Madrid, porén, non desperdicia a oportunidade de tentar vender unha "cara amable" da súa austeridade con esta ridícula oferta de emprego público que non vai conter a sangría de amortizacións e privatizacións previstas nos servizos públicos. Tamén a cualificamos de vergoñenta pois o Goberno da Xunta de Galiza segue a sacar OPEs cando aínda ten sen executar centos de prazas das ofertas de 2008, 2009, 2011 e 2012.

A CIG non puido menos que votar en contra porque ademáis no propio día da súa aprobación na Comisión de Persoal non tiñamos a cuantificación da oferta. Ademais segue sen haber cambios na composición de tribunais (que serán de control exclusivamente político), non hai compromiso de separar os procesos de discapacitados nin de promoción interna, nin unha aposta decidida por esta última.

O venres, 13 de decembro, e xa aprobado no Consello da Xunta, o director xeral da Función Pública envíanos, agora sí, a cuantificación da OPE 2013:

PRAZAS CORRESPONDENTES Á OFERTA PARA O INGRESO NOS CORPOS E  ESCALAS DE ADMINISTRACIÓN XERAL DO ANO 2013.