Máis que CIG-Autonómica

Fronte quen poda pensar que non é o momento de mobilizarse, dende o feminismo de clase consideramos que é máis necesario ca nunca manifestarnos e combater nas rúas os ataques aos nosos dereitos. Porque os dereitos das mulleres non poder seguir estando confinados, temos que esixir medidas reais contra a precarización nas nosas vidas.
 
É imprescindible visibilizar e frear o detrimento que as mulleres soportaron das condicións laborais, de saúde, económicas e sociais a causa desta crise. É por isto que facemos un chamamento a participar activamente nas mobilizacións convocadas pola CIG na mañá da xornada de folga, así como nas mobilizacións do movemento feminista que se realizarán nas comarcas e vilas do país, cumprindo estritamente con todas as medidas de seguridade.
 
Así, e co fin de garantir o cumprimento de todos os requisitos derivados da pandemia, acordamos actos a nivel local e comarcal, próximos é organizando as manifestacións en columnas ou filas de mulleres, garantindo a distancia interpersoal.
 
Somos conscientes de que os abusivos servizos mínimos decretados coa escusa da pandemia van impedir que moitas compañeiras poidan participar na xornada de folga. Animámosvos a que penduredes nos vosos perfís sociais fotos cos cartaces de “Non estou en folga porque me obrigan a estar en servizos mínimos”. Do mesmo xeito, para os compañeiros temos o cartaz de “Eu apoio a folga das mulleres”. Todos estes materiais, xunto co vídeo spot,  están dispoñíbeis no especial.
 
Ao poder non lle interesa a existencia de mulleres organizadas que manteñan unha actitude combativa e de confronto aos poderes económicos, contra quen nos explota como clase, nos discrimina por sermos mulleres e nos oprime por formar parte da nosa nación. Ao sistema interésalle homoxeneizar o discurso, pretende ritualizar o 8 de marzo, que quede nunha data festiva máis, carente de discurso crítico contra o sistema. É preciso, pois que as traballadoras saquemos á rúa as nosas reivindicacións, por iso chamamos á participación das mulleres  nas máis de 31 mobilizacións convocadas pola CIG en varias cidades e vilas do país. Podes consultar os lugares e horas nesta ligazón.
 
A CIG chama tamén a participar activamente nas numerosas mobilizacións convocadas por Galegas8m en varias cidades e vilas do país durante a folga do día 8.

Participa o 8 de marzo na xornada de folga, para denunciar as discriminacións e o machismo que sufrimos, para denunciar a situación das traballadoras esenciais, para esixir unha valorización social e económica dos labores de coidados, mais tamén para desmontar e denunciar a hipocrisía e  a falsidade coa que se trata a problemática específica das mulleres tanto por parte da patronal como por parte do poder político e do sistema. 
 
Fai folga e súmate ás mobilizacións convocadas pola CIG e polo movemento feminista galego o vindeiro 8 de marzo!

Outras novas recentes

Xoves, 14 Outubro 2021

Anteproxecto Lei de medidas 2022: modificación da lei de emprego

Función Pùblica vén de convocar ás organizacións sindicais a unha Mesa Xeral de Empregados Públicos que terá lugar o venres 15 para "negociar" o anteproxecto de lei de orzamentos do 2022 e o anteproxecto de lei de medidas naqueles aspectos que afectan ao persoal empregado público. Afondando no costume instaurado polo director xeral de Función Pública, fomos convocados tamén...
Venres, 08 Outubro 2021

Relación provisional de persoas excluídas das listas de contratación temporal por transformación das listas laborais

No DOG do 08/10/2021 publican a Resolución do 6 de outubro de 2021, da Dirección Xeral da Función Pública, pola que se fai pública a relación de persoas excluídas con carácter provisional das listas únicas para a cobertura con carácter transitorio de prazas reservadas a persoal funcionario de determinados corpos, escalas ou especialidades, resultantes da transformación de...
Sábado, 16 Outubro 2021

Orzamentos e lei de medidas 2022: modificación da lei de emprego ás carreiras e sen negociación na Mesa Xeral do 15/10/2021

A Xunta impón a modificación da lei de emprego público e os orzamentos en materia de persoal para 2022 O acontecido na Mesa Xeral de Empregados Públicos do 15 de outubro non foi pasar o rodete, foi unha falta de respecto a todos os traballadores e traballadoras da Xunta de Galiza. Non teñen escrúpulos e desta vez a escusa para non informar debidamente e modificar a lei de...