Inicio
CIG-Autonomica
  • 20120501.Pontevedra.1.jpg
  • 20120511.gaias.15.jpg
  • 20130305.Vigo.Carrousel.jpg
  • 20120501.Pontevedra.2.jpg
  • 20120209.Vigo.3.jpg
Martes, 16 Abril 2019

SEPGA, o sindicato bipolar

A irrupción do sindicato SEPGA nas recentes eleccións sindicais do persoal funcionario foi unha sorpresa. Nunca antes se mirara votar a tanto subdirector/a xeral, secretario/a territorial, xefe/a territorial, xefe/a de servizo.. Houbo ata quen, pola falta de costume a votar, andaba un pouco perdido.

Consecuencia do resultado, vamos ter unha curiosa representación sindical dos funcionarios e funcionarias, nalgúns casos bipolar. Vai un exemplo:

Fai tan só dous meses, o 18 de febreiro,...


Luns, 15 Abril 2019

Se non te funcionarizas devolves a pasta da carreira

O persoal laboral fixo que se comprometa a funcionarizarse, cobrará a carreira profesional. Pero que pasa co diñeiro se finalmente non se funcionariza? Que pasa se non se presenta ao proceso? E se non o supera? Tería que devolver o diñeiro cobrado?

O texto do Acordo de Concertación que asinaron CCOO, UGT e Xunta, di o seguinte:

O persoal laboral fixo [..] poderá acceder ao sistema de carreira profesional [..] se opta de maneira expresa e individualizada por acollerse ao proceso de...


Venres, 12 Abril 2019

A CIG gaña as eleccións sindicais de persoal funcionario

Con 46 delegadas e delegados, a CIG revalida o primeiro posto na representación de persoal funcionario nas cinco Xuntas de Persoal.

Os resultados globais das votacións do xoves 11 de abril son os seguintes:

2019
    CIG     CSIF    CCOO   UGT   SEPGA   Total 
Servizos Centrais 10 5 3 1 6 25
A Coruña 8 5 4 3 5 25
Lugo 8 5 2 4 4 23
Ourense 6 9 5 3   23
Pontevedra 14 2 3 2 4 25
Total 46 26 17 13 19 121

En relación ao ano...


Mércores, 10 Abril 2019

Modificacións ás bravas dos horarios de conciliación familiar nas OACs

A Consellería de Medio Rural está a enviar estes días escritos polo que se modifica, polas boas, os horarios flexibles por conciliacicón familiar ao persoal das Oficinas Agrarias Comarcais.

Segundo a información que temos, estarían a chegar os escritos ao persoal técnico (veterinarios/as e enxeñeiros/as tec. agrícolas), baseándose en que estas oficinas teñen un carácter de oficina de rexistro e atención ao público.

O caso é que, segundo se desprende da notificación, ou asinan a...


Martes, 09 Abril 2019

Os sindicatos do NON

A CIG é a alternativa que temos o persoal funcionario para recuperar dereitos. Fronte a isto están os sindicatos que pactando malos acordos, impediron conseguir un cadro de melloras aceptable.

  • NON quixeron que as nosas retribucións subisen, polo menos, conforme ao IPC. E estableceron unha porcentaxe fixa por debaixo do IPC e outra vinculada ao crecemento do PIB, ámbalas dúas foron absorbidas no 2018 pola inflación.

 

  • NON quixeron que a xornada de 35 horas fora recoñecida por lei....

Domingo, 07 Abril 2019

Eleccións sindicais ás Xuntas de Persoal Funcionario

O xoves 11 de abril van ser as votacións para elixir ás cinco xuntas de persoal funcionario. Coñece as candidaturas que presentamos:

 

Xunta de Persoal de Pontevedra 
 

A Xanela

 

Candidatura

 

Mesas e horarios

 

 

Xunta de Persoal de Coruña

Tríptico

Cartaz Coruña

Cartaz Ferrol

 

 

Xunta de Persoal de Ourense
 

O Boletín

 

 

Tríptico

 

 

 

Xunta de Persoal de Servizos Centrais     
 

O boletín

  ...

Domingo, 07 Abril 2019

A CIG denuncia o desmantelamento das oficinas agrarias comarcais

Falta xa unha quinta parte do persoal por amortizacións ou falta de dotación orzamentaria

A CIG denuncia que a falla de dotación de persoal e medios nas oficinas agrarias e a privatizacion ou extinción das funcions que realizan os profesionais destas oficinas de atención ao cidadán, labrego/a e gandeiro/a producirán a sua desaparición en poucos anos.

A necesidade de asentar poboación no rural que dinamice un sector primario produtivo compatible co entorno e o medio, asegure a prestación de...


Venres, 05 Abril 2019

Condenan a Consellaría de Medio Rural pola morte dun axente forestal nun incendio en Guntín

A CIG denuncia que a Administración segue sen implementar melloras na prevención e na seguridade do persoal de extinción

O xulgado do Social número 3 de Lugo vén de emitir sentenza pola que condena a Consellaría do Medio Rural pola ausencia de medidas de prevención na extinción dun incendio no Concello de Guntín no ano 2015 que lle custou a vida ao axente forestal Enrique Casanova.

O xulgado considera que a Consellaría non actuou de forma dilixente na protección da saúde deste traballador...


Xoves, 04 Abril 2019

Coacciona a CIG nas eleccións sindicais de funcionarios?

Que está pasando nas eleccións sindicais de funcionarios? Preguntase CCOO.

Pois o que pasou é moi sinxelo: que na provincia de Pontevedra a CCOO renunciáronlle 23 candidatos/as. Segundo conta CCOO por ameazas e coaccións da CIG. Pero a explicación falla, porque calquera se dá conta que coaccionar a alguén ou ameazalo non supón ningún rédito á hora de pedirlle o voto.

Tanta renuncia é normal? Pois non. Pasou que CCOO foi enganando ao persoal xa que en vez de pedir a sinatura para ir na súa...


Mércores, 03 Abril 2019

A Xunta externaliza a elaboración de informes sobre o impacto das obras no patrimonio cultural

A CIG denuncia que TRAGSATEC, á que lle encomendou este traballo, non ten persoal cualificado e esixe a creación das prazas necesarias na Dirección Xeral.

O pasado 25 de marzo saía publicado no DOG unha nova encomenda de xestión con TRAGSATEC pola cal se externaliza parte do servizo de elaboración dos informes sobre o impacto das obras que afectan a bens do patrimonio cultural e á súa contorna de protección. A CIG denuncia esta nova externalización de emprego público e esixe á Xunta que...


Xa facíamos a brincadeira na contra do Boletín de SSCC deste mes sobre o de "Funcionario: faite emprendedor!" O maior éxito para traballar na Xunta actualmente é por parte das empresas privadas e consultorías, asesorías e demáis familia, que son as favoritas pois tanto valen para un roto como para un descosido. Total, se non aproveitan o coñecemento das nosas mozas e mozos, das nosas investigadoras e investigadores, que tiramos para o lixo ou mandamos para Alemaña, como non van tirar ao lixo o coñecemento das traballadoras e traballadores públicos.

E non preguntemos se podemos axudar nalgo porque a transparencia brilla pola súa ausencia: os convenios son así, excepto o nome, o custo e a data de sinatura, o resto é tan segredo de Estado maior como en que gasta a súa asignación a Casa Real; tan segredo que nin o Parlamento pode ter acceso a maioría do contido destes.

Montar unha consultoría é unha grande oportunidade, se traballas coa Xunta, basta só con mirar os prezos, que parece que sae máis caro redactar, proxectar, asesorar ou informar que facer; se é que finalmente se fai algo porque xa sabemos que en austeridadá, máis que nunca, impera o vender fume. E para isto resulta moi apropiadas as campañas de publicidade institucional.

"Vente ao rural sen renunciar a nada"

Iste podería ser o logo da campaña da axencia gañadora do último concurso de publicidade institucional de Medio Rural por valor de 180.000€. A campaña do Plan de Desenvolvemento Rural de Medio Rural que quere mercar a Xunta ten como obxectivo dar publicidade das "oportunidades de vida e emprego que ofrece o rural galego sen renunciar a nada"... en fin, lixo publicitario para vender o moito que fan no noso rural as Administracións que financian este autobombo: Xunta e Unión Europea. E preguntamos: cantos copagos de farmacia hospitalaria de enfermedades crónicas se precisan para convencernos do ben que está o rural galego?