Novas por contido

A falla de persoal técnico na Oficina Agraria Comarcal de Xinzo de Limia dende hai mais dun mes provoca unha situación insostible na xa ateigada oficina agraria. Esta carencia de persoal afecta directamente a tramitación de expedientes e falta de información os interesados.

Dende a CIG demandamos unha vez máis perante a Xefatura Territorial de Ourense e a Secretaria Xeral Técnica da Consellería de Medio Rural a cobertura urxente das prazas do persoal técnicos agrícolas.

É moi grave que na comarca con máis actividade agraria da provincia non está cuberta ningunha das tres prazas existentes. A súa cobertura é urxente polo atraso e acumulación de traballo que hai hoxe.

Polo que dende a CIG esiximos unha vez máis a cobertura de prazas e se realice xa o chamamento das listas de contratación no mantemento deste servizo publico esencial.

No día de onte recibimos diferentes chamadas da Consellería de Medio Rural na que se nos informaba q se ía a proceder a cobertura dunhas das prazas de persoal técnico agrícola, esperemos que se faga con rápida dilixencia.

Así mesmo seguiremos insistindo na cobertura das 3 prazas existentes e a creación dunha máis como reforzo a esta oficina agraria. Tamén lle recordamos a xefatura territorial a necesidade do cambio da oficina comarcal que se atopa nun piso sen espazo para usuarios e persoal, uns servizos mínimos de habitabilidade e hixiene, que non está adaptado para persoas con mobilidade reducida e que presenta grandes problemas de seguridade no caso dunha evacuación: moitas veces isto parece o “camarote dos Hermanos Marx”.

Outras novas recentes

Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Mércores, 18 Novembro 2026

Comisión de Persoal: promoción interna corpos xerais, eleccions destino veterinarios, gardacostas, PSX, funcionarización de categorías en...

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...
Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...