Novas por contido

Informa o director xeral de Función Pública: 

- RPT: antes de 15 días enviarán ás OOSS a proposta de RPT na que se contemplarán 1734 prazas. Provisión das prazas de dirección nas E.I e CAPMD cun sistema parecido ao da consellería de educación (¿?). Todos os postos serán a xornada completa. Incluirán postos itinerantes que serán a tempo completo nun centro e/ou tempo dividido entre varios centros (negociarán limites xeográficos e o seu alcance). Os postos en RPT sairán como persoal laboral, e despois serán convertidos a postos de funcionarios/as conforme aos procesos selectivos. Informa de que están valorando como encaixar na RPT, aqueles postos cubertos por persoal de apoio sen a titulación requirida para o mesmo.

- Listaxes de contratación: o mes de marzo abriranse as listaxes da Xunta para anotarse nas categorías de PSX e xerocultoras/es; o resto de categorías irán progresivamente, dependendo dos medios técnicos e humanos dos que dispoñan (problemas cos avisos por sms). Valorarase o tempo traballado no consorcio igual que na Xunta.

- Oferta de Emprego Público: a OEP entre 2019 e 2020 acadará as 1200 prazas de estabilización (máis de 3 anos no posto de traballo). Comenta que o proceso será por concurso-oposición e o exame tipo test, con “temarios sinxelos e procesos áxiles”. Contará o tempo traballado na categoría igual que na Xunta.

A CIG manifesta:

  • Desconformidade pola demora na convocatoria desta comisión de seguimento (a última fai máis dun ano). A falta de información e de resolución no que xa estaba comprometido.
  • Protesta pola creación de novos postos itinerantes sen negociar, creando incerteza no persoal, sen saber o ámbito no que vai a traballar, o tempo que vai a estar en cada centro...
  • Solicitamos a mobilidade do persoal laboral fixo do Consorcio, ao que a DXFP responde, que antes da elección de destino do persoal que aprobe a OPE, terán opción á mobilidade.
  • Con relación á pregunta da CIG sobre o sistema de provisión de postos de coordinación, a DXFP di que aínda o están “perfilando”, e que este é un dos motivos do atraso na RPT.
  • A CIG pregunta se estarán recollidos todos os postos do consorcio na RPT, ao que contestan que non se diminuíu o cadro de persoal.
  • Reclamamos o Plan de Igualdade para facilitar postos exentos de risco para a maternidade, conciliacións e flexibilización con concreción horaria, que non se conceden, a suspensión de contrato para as maternidades tanto nas escolas infantís por riscos biolóxicos (que terían que ser inmediatas e tardan semanas en resolver). Din que falarán coa Secretaría Xeral de Igualdade para esta problemática.
  • Tamén preguntamos polos riscos psicosociais que ocasiona que haxa unha soa persoa na quenda de noite e os novos perfís de usuarios no CEMVI e nos CAPM, e solicitamos que se teñan en conta a hora de elaboración da RPT. Informan que tratarán estas problemáticas co Servizo de Prevención da Xunta de Galiza.
  • Solicitamos a simplificación das nóminas para que se comprenda facilmente cal é o salario e se recoñezan os trienios de oficio. Din que seguen o mesmo criterio que na Xunta.
  • Volvemos a preguntar se ao persoal técnico dos CAPM se lles vai a respectar logo da RPT, o exercicio das funcións propias da súa profesión, ao cal non responde.
  • Finalmente, dados os numerosos temas pendentes de xestión diaria e bon funcionamento dos centros, que non podemos tratar nesta comisión, a CIG pídelle ao xerente que se comprometa a reunirse coa representación das/os traballadoras/es nun prazo de 15 días, ao que o xerente emite vagas escusas referidas a rematar primeiro ca negociación da RPT.

RESUMINDO: Como nas anteriores reunións din que desta xa vai… Estaremos vixiantes porque realmente sexa así, e en 15 días teñamos o comprometido; e non sexan só promesas en tempos preelectorais.

Outras novas recentes

Mércores, 09 Xullo 2025

Convocatoria do concurso ordinario para a provisión de postos de traballo de veterinaria

No DOG do 09/07/2025 publican a RESOLUCIÓN do 1 de xullo de 2025, da Dirección Xeral de Emprego Público e Administración de Persoal, pola que se convoca concurso ordinario para a provisión de postos de traballo vacantes do corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de veterinarios. As...
Martes, 15 Xullo 2025

A conselleira do Medio Rural quere regularizar unha unidade de “elixidos” para a dirección dos grandes incendios

No verán do 2023, o director xeral de Defenda do Monte, por iluminación divina, sen negociación coa representación sindical do persoal, escolleu a dedo a un grupo de funcionarios/as públicos, da escala de axentes ambientais, para formar parte dunhas unidades segregadas chamadas UDEX (unidades de directores de extinción). Sería algo así como unha unidade de elite para...
Xoves, 10 Xullo 2025

Creación da Axencia Intecmar (09/07/25)

O día 9 de xullo tivemos a primeira reunión (segundo a Consellería) informativa sobre a creación da Axencia INTECMAR e a disolución do Instituto. Isto segundo a Consellaría, pero o comité de empresa de INTECMAR xa negociou o borrador que presentan. Aínda que a directora e a vicesecretaria xeral din que non se negociou nada, o presidente do comité de empresa comenta na súa...