Novas por contido

O venres 24 de maio tivemos reunión ordinaria do Comité de Seguridade e Saúde Laboral de Servizos Centrais. Non se puido realizar por falta de quorum.

Tiñamos que tratar unha ampla orde do día, con temas de importancia como a avaliación de riscos de sete centros de traballo de servizos centrais, as medidas de emerxencia planificadas e actuacións de prevención para este ano.

A reunión non se puido levar a cabo por non estar ninguén do CSIF e, sendo un comité paritario, non houbo quorum. Non é a primeira vez que pasa que falten todas as persoas representantes do CSIF e teñamos que adiar a reunión. Hai que ter en conta que o mínimo que tiñamos que estar pola parte sindical son cinco representantes do persoal traballador. Estabamos un de cada sindicato, e outro máis de camiño, pero do CSIF, que ten tres representantes neste comité, non estaba nin se lle esperaba a ninguén. Nin avisaron que non asistirían.

Chegamos a conclusión de que ao CSIF impórtalle moito certas cousas pero importalle moi pouco a saúde do persoal traballador dos Servizos Centrais.

Esta era a Orde do día:

  1. Lectura e aprobación, se procede, da acta da última reunión.
  2. Designación de novo/a Secretario/a.
  3. Avaliación de riscos da Axencia Galega da Industria Forestal.
  4. Avaliación de riscos da Dirección Xeral de Desenvolvemento Pesqueiro.
  5. Avaliación de riscos do Fondo Galego de Garantía Agraria.
  6. Avaliación de riscos do Instituto Galego de Seguridade e Saúde Laboral.
  7. Avaliación de riscos do servizo de Sanidade e Producción Vexetal.
  8. Avaliación de riscos da Subdirección Xeral de Industrias e Calidade Agroalimentaria.
  9. Información sobre as medidas de emerxencia implantadas no 2018 e planificació npara o 2019.
  10. Avaliación de riscos da Dirección Xeral de Pesca, Acuicultura e Innovación Tecnolóxica.
  11. Programación de actuacións do Servizo de Prevención de Riscos laboais no ano 2019.
  12. Rogos e preguntas.

Outras novas recentes

Mércores, 01 Outubro 2025

Concurso de traslados de enxeñarías, arquitectura e ciencias: apertura do prazo de toma de posesión

No DOG do 01/10/2025 publican a RESOLUCIÓN do 24 de setembro de 2025, da Dirección Xeral de Emprego Público e Administración de Persoal, pola que se modifica a Resolución do 9 de xullo de 2025 pola que se resolve o concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma...
Xoves, 09 Outubro 2025

Promoción interna de corpos xerais (para MSF 13/10/25)

A directora xeral de Emprego Público e Administración de Persoal convocounos a unha xuntanza da Mesa Sectorial de Persoal Funcionario que será o luns 13 de outubro, coa seguinte Orde do día: Bases da convocatoria da promoción interna separada ao corpo superior-A1 Descargar Bases da convocatoria da promoción interna separada ao corpo de xestión-A2. Descargar Bases da...
Venres, 03 Outubro 2025

Persoal da Xunta de Galiza reclama unha solución inmediata á parálise dos concursos de traslados (Concentración 30/09/2025)

A CIG demanda unha prelación xusta, axilidade na resolución, máis medios e a duplicidade dos postos bloqueados por medidas xudiciais Traballadoras e traballadores da Xunta de Galiza concentráronse na mañá do martes 30 de setembro de 2025 diante do edificio administrativo de San Caetano para esixir unha solución inmediata aos concursos de traslados, paralizados dende hai...