- Detalles
No DOG do 30/10/2026 a FUNDACIÓN PÚBLICA GALEGA CENTRO TECNOLÓXICO DE SUPERCOMPUTACIÓN DE GALIZA publica o ANUNCIO polo que se convoca o proceso selectivo para cubrir tres prazas de persoal.
O prazo de presentación de solicitudes será de dez (10) días hábiles contados desde o día seguinte á publicación deste anuncio no Diario Oficial de Galiza.
- Detalles
No DOG do 30/10/2026 publican a RESOLUCIÓN do 22 de outubro de 2026, da Dirección Xeral de Emprego Público e Administración de Persoal, pola que se abre o prazo posesorio dos postos adxudicados en virtude da Resolución do 19 de xuño de 2026 pola que se resolve o concurso ordinario para a provisión de postos de traballo vacantes de varias escalas e especialidades do corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, do corpo de auxiliares de carácter técnico de Administración especial da Administración xeral da Comunidade Autónoma de Galiza, subgrupo C2, e da agrupación profesional da Administración xeral da Comunidade Autónoma de Galiza, convocado pola Resolución do 8 de xullo de 2025.
De conformidade co previsto na Lei 2/2015, do 29 de abril, do emprego público de Galicia, e no artigo 8 do Decreto 151/2022, do 4 de agosto, polo que se aproba o Regulamento dos procedementos de mobilidade do persoal funcionario de carreira da Administración xeral da Comunidade Autónoma de Galiza e das entidades públicas instrumentais integrantes do sector público autonómico, o prazo da toma de posesión comezará a contar a partir do día seguinte ao do cesamento e será de tres días hábiles se non implica cambio de residencia, ou de sete días hábiles se comporta cambio de residencia.
O cesamento deberá efectuarse o día 18 de novembro de 2026.
Se a adxudicación comporta o reingreso ao servizo activo, o prazo de toma de posesión será dun mes e empezará a computarse o día 19 de novembro de 2026.
- Detalles
No DOG do 30/10/2026 a EGAP publica a RESOLUCIÓN do 23 de outubro de 2026 pola que se convoca o Taller práctico de simulación de roles (role-play). Contratación pública en xogo: do prego á execución.
O prazo para a inscrición permanecerá aberto desde as 9.00 horas do primeiro día hábil seguinte ao da publicación desta resolución no Diario Oficial de Galiza ata as 23.59 horas do día 3 de novembro de 2026.
- Detalles
No DOG do 29/10/2026 a FUNDACIÓN DE EXPOSICIÓNS E CONGRESOS DA ESTRADA publica o ANUNCIO de convocatoria pública para cubrir seis prazas de persoal laboral temporal con motivo da 74ª Feira de Antigüidades.
Na páxina www.feiradomoble.gal publicaranse as bases que rexerán o proceso selectivo.
- Detalles
No DOG do 29/10/2026 publican:
- RESOLUCIÓN do 28 de outubro de 2026 pola que se convocan para a elección de destino definitivo as persoas aspirantes que superaron os procesos selectivos para o ingreso no corpo facultativo superior, subgrupo A1, escala de inspección urbanística, especialidade xurídica; no corpo de xestión, subgrupo A2, escala de inspección turística; no corpo facultativo de grao medio, subgrupo A2, escala de subinspección urbanística; no corpo de técnicos de carácter facultativo, grupo B, escala técnica de delineantes e escala de axentes técnicos facultativos, especialidade de animación sociocultural, e no corpo administrativo, subgrupo C1, escala de axentes de inspección, especialidades mobilidade e vixilancia de estradas.
- RESOLUCIÓN do 28 de outubro de 2026 pola que se convocan para a elección de destino definitivo as persoas aspirantes que superaron os procesos selectivos para o ingreso, pola quenda de promoción interna, no corpo facultativo superior, subgrupo A1, escala de enxeñeiros/as, especialidades de enxeñaría industrial, enxeñaría de minas e enxeñaría de montes; no corpo facultativo de grao medio, subgrupo A2, escala de enxeñeiros/as técnicos/as, especialidades de e no enxeñaría técnica agrícola e enxeñaría técnica forestal, corpo de xestión, subgrupo A2, escala de inspectores e inspectoras de consumo.
Para o acceso á aplicación informática para a elección de destino, a Dirección Xeral de Emprego Público e Administración de Persoal remitiralles ás persoas aspirantes un correo electrónico co usuario e a clave de acceso á aplicación do proceso selectivo.
No prazo máximo de dous (2) días hábiles contados a partir do día seguinte ao da publicación desta resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo de selección da Dirección Xeral de Emprego Público e Administración de Persoal, no teléfono 981 54 54 78, para que se lle faciliten os datos necesarios.
Unha vez transcorrido o prazo sinalado no parágrafo anterior, abrirase un prazo de cinco (5) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde de prelación.
- Detalles
No DOG do 29/10/2026 publican a RESOLUCIÓN do 27 de outubro de 2026, conxunta dos tribunais nomeados polas resolucións do 30 de marzo de 2026 (Diario Oficial de Galiza número 62, do 6 de abril), encargados de cualificar os procesos selectivos para o ingreso, pola quenda de acceso libre e promoción interna, no corpo de técnicos/as de carácter facultativo, grupo B, escala técnica do Servizo de Prevención e Defensa contra Incendios Forestais, especialidade de bombeiro/a forestal xefe/a de brigada, e no corpo de auxiliar de carácter técnico, subgrupo C2, escala auxiliar do Servizo de Prevención e Defensa contra Incendios Forestais, especialidade de bombeiro/a forestal.
Convócanse as persoas aspirantes nos procesos selectivos arriba sinalados para a realización do terceiro exercicio o día 17 de novembro de 2026, segundo o horario e a distribución que se indica no anexo, en chamamento único, no Estadio Municipal Verónica Boquete de San Lázaro, situado na avenida de Fernando de Casas Novoa, 20, 15703 Santiago de Compostela (A Coruña).
Consonte o establecido na base III.1.1 das convocatorias dos procesos selectivos, as persoas aspirantes deberán achegar á Dirección Xeral da Función Pública, a través do aplicativo Fides (https://fides.xunta.gal), no prazo máximo de dez días hábiles contados desde o día seguinte ao da publicación desta resolución no Diario Oficial de Galiza, un certificado médico oficial ou un informe sobre o seu estado de saúde, asinado por un médico colexiado en exercicio, no que se faga constar o seguinte: «Non presenta enfermidade ou discapacidade que impida o correcto desenvolvemento dunha proba de esforzo físico».
Este certificado deberá ter unha antigüidade máxima de tres meses respecto da data de realización da proba.
- Detalles
No DOG do 29/10/2026 publican a RESOLUCIÓN do 22 de outubro de 2026, do tribunal designado para xulgar o proceso selectivo para o ingreso, pola quenda de acceso libre e de promoción interna, polo sistema de oposición, no corpo facultativo superior de Administración especial da Administración xeral da Comunidade Autónoma de Galiza, subgrupo A1, escala de veterinarios, convocado pola Resolución do 22 de xaneiro de 2024 (Diario Oficial de Galiza número 20, do 29 de xaneiro) pola que se fai pública a data, a hora e o lugar de realización do terceiro exercicio do proceso selectivo.
Terá lugar o día 3 de novembro, en chamamento único que se iniciará ás 15.30 horas na aula 2 da Escola Galega de Administración Pública, sita en Santiago de Compostela na rúa Madrid, 2-4, Fontiñas.
- Detalles
No DOG do 29/10/2026 a EGAP publica a RESOLUCIÓN do 22 de outubro de 2026 pola que se convoca o Curso superior de implantación da ciberseguridade nas administracións públicas: ciberseguridade nos tempos da intelixencia artificial e a nube.
O prazo para a inscrición permanecerá aberto desde as 9.00 horas do primeiro día hábil seguinte á publicación desta resolución no Diario Oficial de Galiza ata as 23.59 horas do día 3 de novembro de 2026.
- Detalles
No DOG do 28/10/2026 publican:
- RESOLUCIÓN do 26 de outubro de 2026, da Dirección Xeral de Emprego Público e Administración de Persoal, pola que se aproban e se fan públicas as listaxes provisionais de persoas admitidas e excluídas no proceso selectivo para o ingreso, pola quenda de acceso libre e promoción interna, no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, escala técnica de condución, convocado pola Resolución do 8 de maio de 2026 (Diario Oficial de Galiza número 89, do 15 de maio).
-RESOLUCIÓN do 26 de outubro de 2026, da Dirección Xeral de Emprego Público e Administración de Persoal, pola que se aproban e se fan públicas as listaxes provisionais de persoas admitidas e excluídas no proceso selectivo para o ingreso, pola quenda de acceso libre e promoción interna, no corpo de auxiliares de carácter técnico de Administración especial da Administración xeral da Comunidade Autónoma de Galiza, subgrupo C2, escala auxiliar de condución, convocado pola Resolución do 8 de maio de 2026 (Diario Oficial de Galiza número 89, do 15 de maio).
As persoas aspirantes poderán consultar o estado das solicitudes de inscrición presentadas e a situación como admitidas ou excluídas na ligazón fides.xunta.gal
A listaxe completa de persoas aspirantes admitidas e excluídas, con indicación da causa determinante da súa exclusión, poderase consultar no portal web corporativo (funcionpublica. xunta.gal).
- Detalles
No DOG do 28/10/2026 publican:
- RESOLUCIÓN do 22 de outubro de 2026 pola que se modifica a composición do tribunal encargado de cualificar o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso nas categorías 3, 12, 15, 34, 36, 37, 43, 52, 54, 54B, 66, 71, 94, 98, 100, 101, 103 e 104 do grupo III de persoal laboral da Xunta de Galiza, e o persoal laboral propio do Cixtec (grupo III).
- RESOLUCIÓN do 22 de outubro de 2026 pola que se modifica a composición do tribunal encargado de cualificar o proceso selectivo extraordinario de estabilización derivado da Lei 20/2021, do 28 de decembro, pola quenda de acceso libre e mediante o sistema de concurso, para o ingreso no corpo administrativo da Administración xeral da Comunidade Autónoma de Galiza; no corpo de axudantes de carácter facultativo de Administración especial da Administración xeral da Comunidade Autónoma de Galiza, subgrupo C1, e no corpo de técnicos de carácter facultativo de Administración especial da Administración xeral da Comunidade Autónoma de Galiza, grupo B.
