Novas por contido

Acudiron tamén traballadores/as do complexo xuvenil “As mariñas” en gandarío para defender a continuidade do seu centro de traballo que a consellería quere desmantelar.

O mércores 20 de febreiro de 2013, membros do Comité de Empresa de Traballo e Benestar e un grupo de traballadoras/es de Gandarío levaron adiante unha protesta contra a amortización de postos de traballo, co desmantelamento de centros como Gandario ou as oficinas da Dependencia en Santiago e Ferrol, e a amortización de prazas en residencias de maiores, oficinas de emprego e centros de maiores.

Asi mesmo presentaronse máis de 300 sinaturas esixindo que o traballo en domingos e festivos sexa compensado en tempo libre e non pagando como pretende a Xunta. O descanso é fundamental para a saúde dos traballadores e traballadoras, non queremos cartos, queremos librar.

A conselleira de Traballo e Benestar, deu como resposta a estas demandas o envio dun numeroso grupo de policias para "controlar" aos traballadores e traballadoras que esixian os seus dereitos e denunciaban o despido de persoal laboral. A mobilización continou ata cerca das 15,00 horas, cando o presidente do Comité e representantes dos sindicatos, informaron da negativa a reunirse da nova secretaria xeral de Traballo e Benestar e anunciaron a continuidade das mobilizacións na defensa dos postos de traballo e dos dereitos do persoal laboral.

É o momento de unirse e moverse, todo o persoal laboral para que non pisoteen os nosos dereitos e para defender os nosos postos de traballo, fronte a quen os quere suprimir, precarizar e entregar ao beneficio das empresas privadas.

Outras novas recentes

Martes, 17 Setembro 2024

RPT de funcionarización (para CP 19/09/24)

A directora xeral de Emprego Público e Administración de Persoal (DXEP) convocounos a unha xuntanza da Comisión de Persoal, que será o xoves 19 de setembro, coa seguinte Orde do día: RPT de funcionarización de postos clasificados de persoal laboral que pasarán ao corpo administrativo-C1. Descargar RPT de funcionarización de postos clasificados de persoal laboral que pasarán...
Mércores, 11 Setembro 2024

Eloína, a curmá de Feijoo, enchufada ás agachadas sen nomeala por libre designación

Utilizan en fraude de lei a figura da comisión de servizos, que a lei establece como excepcional, para que non tivera publicidade a través do DOG. Cando se soubo que Eloína Núñez pasou a desempeñar o posto de subdirectora xeral houbo quen pensou que o seu nomeamento se publicaría no DOG despois de convocar o posto polo procedemento de libre designación. Pero isto implicaría...
Xoves, 19 Setembro 2024

Concurso de estabilización do subgrupo C2 e grupo IV: baremación provisional da fase de concurso

No DOG do 19/09/2024 publican dúas resolucións coa baremación provisional do concurso de méritos de varias escalas do subgrupo C2 e categorías do grupo IV: Baremación provisional do concurso de méritos dos corpos, escalas e especialidades do subgrupo C2 que se relacionan: Escala de persoal de servizos xerais (PSX) Escala de auxiliares de clínica Escala de xerocultor/a...