Novas por contido

O martes 25 de xuño acudimos a unha xuntanza con Función Pública para discutir o "acordo-mix". Falamos tamén dos concursos de traslados, oposicións, RPT de Cultura e do incremento do 0,25% da nómina.

Acordo-mix (preme para información previa)

- Incluíron unha introdución facendo referencia ao II Acordo Goberno-Sindicatos de Madrid e ao Acordo de concertación de emprego. Un brindis a CCOO e UXT para que poidan apuntarse o tanto.

- Acordo primeiro (FAS): Igualan as contías de Fas funcionarios/laborais de a 180 euros ano. No caso de persoas con discapacidade superior ao 75% non se terá en conta os ingresos.

- Acordo segundo (horario de verán): Continúa como estaba no primeiro borrador. O persoal a quendas e con horarios especiais queda fora. Da compensación ao persoal que non poida beneficiarse, nin falamos.

- Acordo terceiro (OPE de incendios): A novidade nestas ofertas de paso de laborais temporais de 9 a 12 meses irá como un proceso de estabilización (concurso/oposición). Aumentan as prazas que de 100 (OPE 2019) e 100 (OPE 2020) pasa a todas as restantes en iguais circunstancias no 2020.

- Acordo cuarto (aumento de permiso por tratamentos graves): Segue igual pero incorporan o uso preferente do permiso na parte flexible do horario, no caso de que se teña horario flexible.

- Acordo quinto (incorporación de interinos e persoal que non cumpría requisitos á carreira profesional): Segue todo igual pero co recochineo de facer mención do persoal laboral temporal que se funcionarice “voluntariamente” (e que se non o fan, van á rúa).

- Acordo sexto (P.I aos procesos de funcionarización): Interpretan a sentenza da CIG ao seu gusto. Van separar os procesos de consolidación e falaron tamén dos de estabilización da futura promoción interna. Veremos en que acaba o conto pois é un tema complexo.

Enviarán o texto definitivo a finais de semana, para aprobarse en Comisión de Persoal. Non aceptan votar punto por punto, senon que será unha única votación para aprobar o lote completo (e así forzar o voto dos sindicatos).

Outros temas:

* Concurso de traslados: falan de inminente convocatoria de xuntanza para negociar o baremo dos concursos de administración xeral e veterinarios. Dos demais concursos, nin pio.

* Oposicións escalas técnicas: Nomeamento de tribunais antes do 15 de xullo.

* RPT de Cultura: Xa a ten Función Pública, e van convocar en xullo reunión para aprobala nese mes.

* Incremento do 0,25%: irá na nómina de xullo con case toda probabilidade (e se non, na de agosto).

* FAS-2018: de mala gana, respostan que "sairá cando teña que sair" (falaran de que sairía en maio).

Outras novas recentes

Xoves, 09 Outubro 2025

O Tribunal Supremo obriga a que o TSXG se posicione sobre a obriga de certas PSX do Consorcio a asumir tarefas de limpeza

O Tribunal Supremo considera que a demanda polas tarefas de limpeza das/os psx ten que xulgarse como conflito colectivo e devolve o caso ao Tribunal Superior de Xustiza de GalizaA CIG interpuxo no TSXG un conflito colectivo en desconformidade coa interpretación que o Consorcio dá á cláusula do Acordo de Integración e  coa práctica do Consorcio Galego de Servizos de...
Venres, 03 Outubro 2025

Persoal da Xunta de Galiza reclama unha solución inmediata á parálise dos concursos de traslados (Concentración 30/09/2025)

A CIG demanda unha prelación xusta, axilidade na resolución, máis medios e a duplicidade dos postos bloqueados por medidas xudiciais Traballadoras e traballadores da Xunta de Galiza concentráronse na mañá do martes 30 de setembro de 2025 diante do edificio administrativo de San Caetano para esixir unha solución inmediata aos concursos de traslados, paralizados dende hai...
Luns, 06 Outubro 2025

A Xunta, cómplice de maltrato nas residencias

Dende a CIG apoiamos a loita do Comité de Empresa de Política Social fronte á posición de desleixo e inacción da Cosellaría, incapaz de aportar solución algunha ante o maltrato e as agresións que están a sufrir o persoal das residencias e as usuarias e usuarios.   Dende o Comité de Empresa de Política Social de Pontevedra convocouse o pasado venres 3 de outubro unha...