Novas por contido

Segue e segue coas encomendas de xestión a Tragsatec do traballo técnico de arqueoloxía

Está claro que na Consellería de Cultura non queren ao persoal funcionario, non valoran o traballo dos técnicos e incluso non cumplen as leis de patrimonio nin de protección de datos. Xa é a terceira vez que asinan unha encomenda de xestión coa empresa Tragsatec, e a terceira vez que a CIG o denuncia.

O pasado luns día 15 publicaban no DOG a nova encomenda para o segundo semestre do ano, por valor de 160.000 euros, co fin de externalizar os informes técnicos de arqueoloxía das obras en entornos de protección cultural, nomeadamente os Camiños de Santiago.

Tanto Xacobeo e non hai diñeiro para crear as prazas necesarias na consellería, e iso que o conselleiro é licenciado en Historia, nin sequera sabe coidar dos seus.

Recordemos que a CIG ten denunciado na Axencia de Protección de Datos a saída descontrolada de expedientes dos edificios administrativos da Xunta para ser revisados por persoas que non son funcionarias. É máis, Tragsatec non conta con persoal arqueólogo propio e remite a contratación a páxinas web de traballo temporal como é Infojobs.

Para mais escándalo, o pasado martes día 16 fíxose a reunión negociadora para a aprobación da RPT de Cultura e só crean 2 prazas de arqueólogo (fan falla entorno a 8) e por riba son os únicos técnicos da consellería que seguen en nivel base.

O persoal funcionario xa non ten amigos que turren deles, nin mesmo o novo Secretario Xeral (antigo cargo de AGRUPA; os pata negra da administración) é quen de tirar dos funcionarios A1.

Nos xulgados teremos que vernos, pero xa non vai chegar o contencioso, senón haberá que ir á fiscalía pois entendemos que é un malgasto de cartos públicos, contravén a protección de datos, os informes son feitos á carta e con presa, e como punto final é unha fraude aos centos de arqueólogos que están na lista de contratación.

Outras novas recentes

Venres, 03 Outubro 2025

Persoal da Xunta de Galiza reclama unha solución inmediata á parálise dos concursos de traslados (Concentración 30/09/2025)

A CIG demanda unha prelación xusta, axilidade na resolución, máis medios e a duplicidade dos postos bloqueados por medidas xudiciais Traballadoras e traballadores da Xunta de Galiza concentráronse na mañá do martes 30 de setembro de 2025 diante do edificio administrativo de San Caetano para esixir unha solución inmediata aos concursos de traslados, paralizados dende hai...
Mércores, 08 Outubro 2025

Paros laborais por Palestina. O 15 de outubro, tamén no traballo paremos o xenocidio!

Dende a CIG convocamos unha xornada de loita o 15 de outubro contra o xenocidio do pobo palestino. Chamamos a secundar os paros laborais de catro horas por quenda e a concentrarse nos centros de traballo, nas cidades e nas vilas do País. Anunciamos publicamente a convocatoria dunha xornada de paro xeral en Galiza para o vindeiro 15 de outubro para reclamar a fin do...
Mércores, 01 Outubro 2025

RPT de Medio Rural e RPT da administración especial para poder finalizar o concurso de enxeñarías, arquitecturas e ciencias

O venres 26/09/2025 celebrouse a Comisión de Persoal onde se levaban dous asuntos,   RPT de Medio Rural Estamos en contra dunha modificación de RPT na que se amortizan 14 postos de traballo para crear 7. Sen os postos derivados do decreto de estrutura temos que se destrúen 7 postos para crear 2 e para financiar a inmoral e insolidaria suba do complemento específico dos...