Novas por contido

A CIG insiste en que a Admiinistración non abandone as traballadoras e traballadores.

Iníciase o comité co apuro dun tempo límite de xuntanza, cunha orde do día imposta e a contracorrente.

Actuacións Covid19 nas escolas infantís de 0-3 anos

Seguimos na loita de reclamar o que é de dereito para as traballadoras/es das escolas e así solicitamos que se recolla en acta, levando a CIG o desenvolvemento deste punto:

  • As traballadoras/es vulnerables deben de terse en conta como nivel de risco 3.
  • A falta de negociación das carteleiras nas escolas do Consorcio supón un risco psicosocial para as traballadoras que non saben cal é o seu horario laboral estando xa incorporadas ao posto.
  • Non se cumple o protocolo covid19 en centros onde non hai lavandería, taquillas, vestiarios...
  • No Consorcio non hai uniformidade dende o ano 2017 e que está chegando aos poucos é escasa para contar con reposto no centro. As substitutas non teñen uniformidade, dende a CIG solicitamos que todas as escolas teñan stock suficiente para ofrecer roupa de traballo.
  • O reforzo de persoal educativo nas escolas da Axencia é mínimo e nas escolas do Consorcio o persoal de servizos xerais (psx) están asumindo cargas de traballo xa que soamente algunhas escolas contan con reforzo de limpeza a través dos concellos, cando esta categoría ten funcións de limpeza puntual no RRI. Tamén expoñemos que ao pechar aulas nas que hai persoal de apertura e peche, se non se cubren, suporá cambios continuos nos horarios das traballadoras.
  • Nas escolas do Consorcio non se enviou en difusión os protocolos da empresa de cociña, como empresa externa.
  • Solicitamos os plans de continxencia de todas as escolas, para a súa consulta.
  • Volvemos a reclamar as mascarillas FFP2, facendo referencia á dilixencia da inspectora (próxima xuntanza o 2 de outubro), na que indica que deberá de utilizarse por persoas vulnerables ou cando sexa imposible gardar a distancia de seguridade.

Ante todas estas cuestións, as respostas son “o trasladamos”, “non chegaremos a un acordo” ou “son cuestións de Sanidade”

Avaliación de risco biolóxico por COVID19 nos centros de menores: A CIG reclama formación en coronavirus para o persoal, mellorar as medidas preventivas e de desinfección, material de protección (EPIS) e a realización de probas PCR aos menores e ao persoal, periódicos e cando volten das saídas aos seus domicilios, tal e como se está a facer nas residencias de maiores. A Administración comenta que é un tema a criterio de sanidade facer as PCR e incluso comentan que nalgún centro de Ourense se están a facer. Exiximos igual criterio en toda Galiza e non en función da área sanitaria. Reclamamos actualizar as avaliacións de riscos e incluir as probas PCR.

Obrigatoriedade das probas PCR: A Administración pídenos colaboración aos delegados e delegadas de prevención xa que hai traballadores/as que se negan a facer estas probas en centros sociosanitarios.

CEGADI (Centro Galego de Desenvolvemento Integral, en Santiago de Compostela): A Administración comenta que ten pensado facer alí unha residencia integrada de pacientes Covid positivos, con capacidade máxima para 60 persoas, e que se está acabando de acondicionar con 3 zonas (COGAMI, Oficinas Funga e EVO e zona de sanidade ou residencia propiamente dita) e que comezará en breve, posiblemente o dia 28 de setembro.
A CIG ante o noso abraio, o compartir instalacións con outros entes, preguntamos se unha residencia integrada estilo Baños de Molgas ou Porta do Camiño. Contestando afirmativamente por parte da Xunta de Galiza, e que estará “panelada e con diferentes entradas”. Parécenos un despropósito. Os demais sindicatos non comentan nada.

Rolda de intervencións: Dende a CIG mostramos o noso malestar o non acordar coas organizacións sindicais a orde do dia a tratar e facer un Comité a presa e correndo e recortando o tempo. A Administración xustifícase dicindo que a reunión foi convocada in extremis para falar cos delegados de prevención da inminente apertura do Cegadi como centro de positivos e tamén pola xuntanza con inspección de traballo o día 2 de outubro tras a demanda interposta pola CIG.

Reclamamos que se nos informe dos positivos nas residencias tanto de traballadores como de residentes, posto que non se esta a informar os delegados de prevención dos casos positivos na Conselleria de Política Social. Ademais tamén incidimos en que as traballadoras dos Servizos Centrais, como por exemplo no Consorcio, non se lles está a proporcionar mascarillas.

DENDE A CIG SEGUIREMOS NA LOITA DOS DEREITOS DE TODAS A TRABALLADORAS E TRABALLADORES! PEDIMOS O QUE É XUSTO PARA TODAS/OS!

Outras novas recentes

Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...
Venres, 13 Novembro 2026

Promoción interna corpos xerais; funcionarización en excedencia (para CP 17/11/26)

A directora xeral de Emprego Público e Administración de Persoal convocounos a unha xuntanza da Comisión de Persoal que será o martes 17 de  novembro, coa seguinte Orde do día: Convocatoria do proceso de funcionarización para o persoal laboral fixo que está na situación de excedencia. Descargar Convocatoria de promoción interna ao corpo superior-A1. Descargar Convocatoria...