Novas por contido

A CIG está a recoller sinaturas para unha Iniciativa non de lei que obrigue ao Parlamento de Galiza a debater sobre a creación dun sistema público de atención ás persoas.

A crise sanitaria derivada da pandemia do COVID-19 puxo máis de manifesto ca nunca a necesidade de poñer os coidados na prioridade das políticas públicas e, por tanto, a urxencia de investimento público en servizos de atención ás persoas.

Dende a CIG levamos anos denunciando a situación, tanto laboral como asistencial, das residencias da terceira idade, dos centros de día, dos centros de atención á diversidade, dos servizos de axuda no fogar, etc., servizos que o goberno do PP na Xunta vén desmantelando e privatizando para facer deles un novo negocio a custo das persoas máis vulnerábeis. 

Outra forma de destruír servizos é precarizar as condicións laborais dos empregados públicos, reducindo os cadros de persoal, racaneaando na dotacion de medios materiais e, desvirtuando as categorias e as funcións, e desvalorizando o traballo co fin de  tentar igualar o público co privado.

Non os imos deixar, na CIG témolo claro, na CIG defendemos o público como garante da calidade asistencial. 

Nestes días no maco desta campaña e a través dunha iniciativa non de lei, estamos a recoller sinaturas nos centros para que no Parlamento de Galiza se promova a creación dun Sistema público galego de servizos de atención as persoas. 

Participa e solicita as delegadas e delegados da CIG a folla de sinaturas!!

Outras novas recentes

Martes, 08 Xullo 2025

Modificación da RPT da Consellería de Presidencia, Xustiza e Deportes (para 11/07/25)

A Secretaría Xeral Técnica da Consellería de Presidencia, Xustiza e Deportes, convocounos a unha xuntanza que será o venres 11 de xullo, pola proposta de modificación da súa Relación de Postos de Traballo.  Se é do teu interese, podes descargar a documentación, e se queres achegarnos algo, podes contactar coa CIG.
Mércores, 09 Xullo 2025

Listaxes provisionais de axudas aprobadas e criterios de repartición do Fondo de Acción Social de 2024

No DOG do 09/07/2025 publican a RESOLUCIÓN do 1 de xullo de 2025, da Dirección Xeral de Emprego Público e Administración de Persoal, pola que se anuncia a exposición das listaxes provisionais de axudas aprobadas e denegadas dos criterios de repartición do Fondo de Acción Social do exercicio económico 2024, relativos á axuda para a atención de persoas con discapacidade. Fan...
Martes, 08 Xullo 2025

Comisións de servizo na escala extinta de Axentes forestais (C2)

Tras unha sentenza firme a Dirección Xeral de Emprego Público xa autorizou 3 comisións de servizo na escala de axentes forestais (corpo de auxiliares técnicos da escala C2) A CIG protesta pola decisión de Emprego Público e solicítalle unha reunión urxente coas consellerías para arranxar a situación anacrónica das RPT, valorando eliminar o C2 nos postos que non están...