Novas por contido

Para as eleccións sindicais de delegados/as para a Xunta de Persoal Funcionario na provincia de Ourense, previstas para o vindeiro 11 de abril, non se prevén mesas de votación nin fixas nin itinerantes fora da cidade de Ourense, deixando por exemplo a Viana, O Barco de Valdeorras, Verín, Bande ou o Carballiño sen sequera unha mesa. Dende a CIG-Administración Autonómica de Ourense denunciamos que máis de 1.400 funcionarios e funcionarias repartidos en mais de 150 centros de traballo na provincia, terían que desprazarse á cidade de Ourense para poder exercer o seu dereito a elixir a seus representantes sindicais.

Non ten os mesmos dereitos unha compañeira do Barco de Valdeorras que de Ourense? Imaxinas que o persoal de Santiago tivese que ir votar á Coruña?

Estas son as distancias, só de viaxe de ida, segundo Google Maps, sen autovía ou estrada rapida, so de viaxe de ida. Non incluímos nin tempos nin quilómetros de entrada á cidade, nin gastos de aparcamento:

De Viana a Ourense 123 km 1h 18 min
De Verín a Ourense 68 km 49 min
De Bande a Ourense 42 km 35 min
Do Barco de Valdeorras a Ourense 115 km 1h 30 min
Do Carballiño a Ourense 30 km 28 min
Por comparar: da Coruña a Compostela 71 km 1h 13 min


Calquera empresa que teña centros espallados pola provincia aporta ao menos un medio de transporte con furna (mesas itinerantes), para facilitar o voto das súas traballadoras e traballadores.

Así mesmo, nos procesos electorais de persoal funcionario da Xunta de Galiza, tanto en Servizos Centrais en Santiago de Compostela, como nas Xuntas de Persoal de Lugo, Pontevedra e Coruña, teñen mesas repartidas polos centros mais grandes e mesas itinerantes, facilitando, deste xeito, a participación do persoal empregado público.

Se a CSIF, UGT e CCOO continuan coa sua pretensión na nosa provincia será a única de Galiza onde non hai mesas itinerantes nin fixas nas grandes localidades, limitando gravemente o dereito fundamental dos empregados públicos na elección dos seus representantes lexítimos.

Por iso consideramos que estamos ante un atropelo e unha práctica absolutamente antidemocrática, impulsada polas organizacións sindicais CSIF, CCOO e UGT, en conivencia coa Xunta de Galicia do PP que define un autentico desprezo ao traballadores espallados polos centros da provincia.

Mira aqui a distribución provisional de mesas no resto das Xuntas de Persoal:

  • A CORUÑA (12 mesas)
    • A Coruña (Edificio administrativo): 5
    • A Coruña (Facenda): 1
    • A Coruña (Sanidade): 1
    • A Coruña (Política Social): 1
    • Ferrol (Edificio administrativo): 1
    • Santiago: 1
    • Carballo: 1
    • Noia: 1
  • PONTEVEDRA (9 mesas)
    • Mesas fixas (6)
      • Pontevedra (Edificio administrativo): 2
      • Vigo (Edificio administrativo): 1
      • Vigo (Instituto Santa Irene): 1
      • O Porriño: 1
      • Redondela: 1
    • Mesas itinerantes (3)
      • Cangas / Ponteareas
      • Lalín / A Estrada
      • Vilagarcía / Cambados
  • LUGO (5 mesas)
    • Lugo: 2
    • Monforte: 1
    • Ribadeo: 1
    • Viveiro: 1
  • SERVIZOS CENTRAIS (10 mesas)
    • Mesas fixas (9)
      • Presidencia: 1
      • Facenda: 1
      • Infraestruturas, Economía e Augas: 1
      • Educación e Cultura: 1
      • Medio Rural, Mar e Gardacostas: 1
      • Política Social: 1
      • Sanidade, Estatística e Isga: 1
      • Emprego, Igualdade e Montes: 1
      • Fontiñas (Egap, Deporte, Xustiza, IGVS, Emerxencias e Consumo): 1
    • Mesas itinerantes: 1
      • Axencia Galega De Seguridade / Axencia de Turismo / Amtega / Salgueiriños / Gaias

Outras novas recentes

Xoves, 10 Xullo 2025

Creación da Axencia Intecmar (09/07/25)

O día 9 de xullo tivemos a primeira reunión (segundo a Consellería) informativa sobre a creación da Axencia INTECMAR e a disolución do Instituto. Isto segundo a Consellaría, pero o comité de empresa de INTECMAR xa negociou o borrador que presentan. Aínda que a directora e a vicesecretaria xeral din que non se negociou nada, o presidente do comité de empresa comenta na súa...
Venres, 18 Xullo 2025

Comité de Seguridade e Saúde Laboral da Consellaría de Política Social (10/7/2025)

Seguimos con avances escasos e lentos Criterios de concesión da prestación de risco para o embarazo O servizo de prevención infórmanos de que se acordou aplicar con Ibermutua, dependendo do posto de traballo que se realice, un criterio uniforme á hora de establecer a data, na que o desempeño do posto sexa considerado como risco para o embarazo, e que non haxa diferenzas...
Venres, 11 Xullo 2025

Resolución do concurso de traslados de enxeñería, enxeñería técnica, arquitectura, arquitectura técnica e ciencias

No DOG do 11/07/2025 publican a RESOLUCIÓN do 9 de xullo de 2025, da Dirección Xeral de Emprego Público e Administración de Persoal, pola que se resolve o concurso ordinario para a provisión de postos de traballo vacantes de corpos e escalas de Administración especial da Administración Xeral da Comunidade Autónoma de Galiza, escalas de enxeñeiros, enxeñeiros técnicos,...