Na Comisión de Persoal do mércores 22, a maiores da Lei de impuso demográfico de Galiza e a modificacion puntual da RPT de Medio Ambiente, Territorio e Vivenda, ían tamén as bases das convocatorias dos procesos selectivos da escala de veterinarios/as e de consolidación de veterinarios. Estas ultimas foron retiradas da orde do día, segundo o director de Función Pública a causa de que están a preparar unhas modificacións substanciais.
Lei impulso demográfico de Galiza
Publicamos unha nova específica co seu contido.
RPT da Consellería de Medio Ambiente, Territorio e Vivenda
Trátase dunha pequena modificación dalgúns postos para o cumprimento de sentenzas, e o acordo sobre condicións de traballo de axentes forestais e medioambientais. No caso da aplicación do acordo de axentes dende a CIG consideramos que a explicación dada pola redución de cantidades do específico (fora do Acordo) non foi satisfactoria nin acompañada da documentación, nin tempo suficiente para ser valorada, polo que nos abstivemos ao igual que o resto das organizacións sindicais (restan mais de 11 euros ao mes).
Sigue pendente a mesa de negociación para tratar as condicións de traballo do persoal do Parque Nacional das Illas Atlanticas, así como do estudo de cargas de traballo para recuperar amortizacions.
Contratación de orientadores/as
Pola contratación de 11 orientadores/as, como non, a resposta á pregunta é que "en breve".
