No DOG Núm. 39 Xoves do 27 de febreiro de 2020 publícase a convocatoria de cursos sobre tecnoloxías da información e da comunicación (TIC), administración electrónica e protección de datos (convenio entre Vicepresidencia e Consellería de Presidencia, Administracións Públicas e Xustiza, EGAP e Amtega).
Poderá participar nas accións formativas convocadas mediante esta resolución o persoal ao servizo da Administración xeral da Comunidade Autónoma de Galicia, das entidades públicas instrumentais e da Administración institucional, así como o persoal empregado público e persoas que integran as bolsas de interinos dos corpos de xestión procesual e administrativa, tramitación procesual e administrativa e auxilio xudicial da Administración de xustiza, dependente da Comunidade Autónoma de Galicia, que se atope en situación de servizo activo (incluído permiso por maternidade/paternidade, adopción ou excedencia polo coidado dun/dunha fillo/a ou dun/dunha familiar) e que reúna os requisitos establecidos nesta convocatoria.
O prazo de presentación de solicitudes comezará o día seguinte ao da publicación desta resolución no Diario Oficial de Galicia e rematará o día 5 de marzo de 2020.
As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo https://egap.xunta.gal/matricula desde as 8.00 horas da data de inicio do prazo de presentación de solicitudes ata as 23.55 horas da data de finalización. As solicitudes entenderanse presentadas unha vez que se complete correctamente o proceso de matriculación.
O número máximo de cursos que se poden solicitar durante o prazo de presentación de solicitudes limítase a dous.
Estos son os cursos que se convocan:
- Procesos de dixitalización en oficinas de rexistro da Xunta de Galicia
- Sistemas para a contratación electrónica
- Seguridade da información na Xunta de Galicia
- Aspectos avanzados e implantación da normativa de protección de datos na Xunta de Galicia
- Esquema nacional de seguridade para responsables de servizos e da información e coordinadores de seguridade
- Tramitación electrónica integral na Xunta de Galicia no marco da Lei 39/2015
- Introdución á protección de datos persoais. Regulamento europeo 2016/679 de protección de datos
- Introdución á protección de datos persoais. Regulamento europeo 2016/679 de protección de datos. Certificados electrónicos e sinatura electrónica. Uso de certificados electrónicos no contexto da Xunta de Galicia
- Sistema electrónico de facturación (SEF)
- Introdución ao expediente xudicial electrónico
- Introdución á protección de datos persoais. Regulamento europeo 2016/679 de protección de datos
- Seguridade da información na Administración de xustiza en Galicia
