Novas por contido

O día 5 de marzo 2020 solicitamos a reunión urxente do Comité de Seguridade e Saúde Laboral do Edificio Adminsitrativo do Ourense. A día de hoxe esta reunión non se chegou a producir.

O próximo 18 de maio comenza a primeira das tres fases que inclúe o Protocolo de incorporación gradual do persoal empregado público. Rematadas as actuacións preliminares de identificación do protocolo e antes da reincorporación do persoal, é necesario coñecer as avaliacións de riscos realizadas e as medidas previstas. Tamén é necesaria unha reunión urxente do Comité de Seguridade e Saúde Laboral do Edificio Administrativo de Ourense no que se teñan en conta novas medidas organizativas.

No Edificio Administrativo de Ourense prestan servizos máis de 300 traballadores. Para protexer a saúde dos empregados públicos, hai que evitar que circulen polo edificio, usando ascensores, escaleiras e espazos comúns, persoas que non prestan servizos no edificio. Solicitamos que se teñan en conta, a maiores doutras xa propostas anteriormente, as seguintes medidas:

  • Traslado da actividade de formación e probas da EGAP que se realiza na aula do 7º andar. Esta aula non reúne os requisitos de seguridade.
  • Evitar o acceso as dependencias do edificio a interesados obrigados a relacionarse por medios electrónicos coa administración.
  • Hai que trasladar o Punto de Acreditación Dixital (PAD), que está na Delegación da Amtega en Ourense, no 6º andar  do Edificio administrativo, a outra localización (xa pedimos por escrito o día 8 de maio de 2020 e seguimos sen reposta).

Desde a CIG solicitamos a Xunta que nos remitan copia das avaliacións de riscos realizadas para a reincorporación do persoal que presta servizos no Edificio Administrativo da Xunta de Galicia en Ourense e que na maior brevidade posíbel sexa convocada unha xunta do Comité de Seguridade e Saúde do Edificio Administrativo de Ourense para acordar a implantación inmediata de medidas de prevención de riscos perante a infección do COVID -19.

Outras novas recentes

Xoves, 19 Novembro 2026

RPT Emprego, Comercio e Emigración (19/11/26)

A Consellería de Emprego, Comercio e Emigracion, convocounos a outra xuntanza, que vai ser o xoves 19 de novembro, para continuar coa sú aproposta de modificación da Relación de Postos de Traballo. Para esta xuntanza, a Consellería achegounos documentación complementaria que podes consultar aquí: Descargar Se queres dicirnos algo, podes contactar coa CIG.
Mércores, 18 Novembro 2026

RPT do Mar (centros de ensino) (26/11/26)

A Secretaría Xeral do Mar convocounos a unha xuntanza para o xoves 26 de novembro, para tratar unha proposta de modificación da súa Relación de Postos de Traballo. A proposta afecta ás escolas oficiais nautico-pesqueira de Ferrol e Ribeira, ao instituto en acuicultura da Illa de Arousa e ao instituto marítimo-pesqueiro do Atlántico de Vigo. En todos eles crean postos de...
Mércores, 18 Novembro 2026

Promoción interna corpos xerais, destinos veterinarios/as, gardacostas, PSX, funcionarización en excedencia (CP 17/11/26)

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...