Novas por contido

Tralo novo ruxe ruxe que filtrou a CSIF, a CIG solicitou a semana pasada información por escrito de que ía facer a Consellería do Medio Rural coas adscricións temporais no SPIF.

A resposta foi clara:” non se renovan estas coberturas, ao non darse as circunstancias previstas na lexislación vixente, en aras da eficiencia da xestión dos recursos públicos”, o que significa na práctica....queremos reducir o gasto en persoal.

Non contentos con iso, expoñen o seguinte argumento:” Durante os meses de inverno, esta carga de traballo é menor, razón pola que non se renovan estas coberturas”. A carga de traballo é menor ou por parte da Consellería deciden que sexa así? E a realidade de que nos meses de decembro a marzo o SPIF conta cuns efectivos mínimos onde queda?

O SPIF é un servizo de emerxencias , e coma tal deberían aproveitalo en “aras da eficiencia da xestión dos recursos públicos”. Neste senso, vimos de solicitar que se active ao Servizo de incendios para retomar as tarefas de desinfección fronte á COVID tendo en conta o empeoramento dos datos desta pandemia. Porén, tamén habería que realizar a tan publicitada prevención e realizar tarefas de apoio en continxencias no medio natural e rural agora que comezan as condicións meteorolóxicas propias do outono-inverno, que fan que estas continxencias se incrementen e moitas veces supoñan problemas para a poboación do medio rural.

Dende a CIG cremos que non só se debería de manter o número de efectivos actuais do SPIF, senón que solicitámoslle á Consellería que incremente o tempo de traballo do persoal descontinuo do SPIF para atender a tódalas tarefas preventivas que hai que desenvolver e os labores de apoio en continxencias no medio natural e rural.

Toda esta política da Consellería forma parte da continua falta de interese pola cobertura de tódalas prazas do SPIF. Existen prazas dende hai tempo sen cubrir e agora queren incrementarlle máis. A isto hai que engadirlle a falta de convocatoria do concurso de traslados, que fai da adscripción provisional a única vía dos traballadores/as do SPIF para achegarse aos seus domicilios e a incerteza xerada por toda esta situación para todo o persoal que se atopa nesta situación.

Carga de traballo para o SPIF hai, intención por parte da Consellería de implementala, NON.

Outras novas recentes

Luns, 02 Agosto 2021

Resumo de moitos asuntos e xuntanzas (chega o verán e a Función Pública éntranlle as présas)

Como en anos anteriores, en vésperas do mes de agosto Función Pública apreta o acelerador con varias mesas de negociación concentradas en tres días (23, 26 e 27 de xullo) con varias RPTs, dúas mesas sectoriais de funcionarios/as, dúas mesas xerais de negociación e unha Comisión de Persoal. En rogos e preguntas tocáronse múltiples asuntos que poden ser do teu interese. Na...
Martes, 27 Xullo 2021

Aprobados/as en promoción interna a corpos xerais, pendentes de concurso de traslados

Despois de moitos meses dando a paliza a Función Pública para que desen unha solución á situación das compañeiras e compañeiros que superaron a promoción interna de corpos xerais e que ao tempo participaron no concurso de traslados, e que por mor do enorme retraso deste último proceso se encontran nunha situación de incertidume, por fin tiveron a ben enviarnos a súa...
Luns, 02 Agosto 2021

O TSXG obriga á Xunta a dar máscaras FFP2 en escolas infantís e centros de maiores

A CIG demandou a administración tras negarse o Consorcio a acatar os requirimentos da Inspección de Traballo e Seguridade Social A sala do social do Tribunal Superior de Xustiza de Galiza (TSXG) vén de darlle a razón á CIG ao ditar unha sentenza pola que a Xunta de Galiza ten que proporcionar ás súas traballadoras de centros de maiores e escolas infantís máscaras de...