Novas por contido

A Administración ofrécenos como argumento da xustificación dos recortes que non hai cartos e/ou que sobramos empregadas e empregados públicos porque non hai carga de traballo. Porén, continúa facendo uso da figura da encomenda de xestión e tamén das asistencias técnicas. Ante as continuas demandas de información a Administración cala; ante as continuas denuncias, a prensa tamén.

O venres, 11 de maio, publicábanse no DOG 3 encomendas de xestión da extinta consellaría do Medio Rural con Tragasatec para a realización de traballos: 1) técnicos de colaboración coa autoridade de xestión do Programa de Desenvolvemento Rural 2007/2013, 2) de supervisión dos controis nos tres tipos de medidas dentro do Plan galego de controis Feader e 3) de tramitación de medidas do Programa de Desenvolvemento Rural de Galicia no ano 2012. Pese a que as 3 encomendas teñen como data de inicio o 1 de xaneiro, aínda son feitas públicas agora. De ningunha se da a coñecer o seu custe económico.

Dada a opacidade das encomendas de xestión en canto a que parte delas pode ser realmente desenvolta por persoal propio así como a problemática laboral de indefinicións que se crea sen que se esixa ningún tipo de responsabilidade política ou penal, a CIG solicitou información sobre estas 3 encomendas. Entre a información demandada atópase a súa xustificación técnica, na que conste que non poden ser asumidas por medios propios da consellaría, así como o importe da contratación ou a achega de medios de produción de Tragsatec, entre outros.

Hai que destacar que estas encomendas están próximas a rematar (15 de xuño as dúas primeiras e 15 de maio a última). Porén, dado que aínda foron publicadas recentemente e que resulta de interese para o persoal da Xunta, a CIG-Autonómica demanda igualmente o resto de información que non hai obriga de publicar por imperativo legal. Consideramos, e máis nun contexto político no que sobran empregados públicos, o uso de encomendas/asistencias técnicas para facer o traballo propio como unha vergoña.

Non entendemos compatible unha futurible redución de xornada forzosa en persoal temporal ou interino co mantemento de determinadas encomendas ou asistencias técnicas para traballo que pode ser desenvolto perfectamente por persoal propio. E por suposto, seguimos a reclamar á Xunta a posta en marcha dunha comisión de control para estes casos.

Máis  información sobre asistencias técnicas

Continúan chegándonos achegas de situación irregulares de persoal alleo e solicitamos,  aos centros onde existen indicios ou sospeitas destas situacións, información sobre a xustificación técnica desas contratas e/ou encomendas, así coma o seu importe económico. As máis recentes son as da Secretaría Xeral do Mar e a da Secretaría Xeral da Emigración, que xuntamos ás anteriores.



Outras novas recentes

Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense. Neste servizo, a data de...
Luns, 11 Marzo 2024

Convocatoria do concurso de traslados de escalas de enxeñeiros, enxeñeiros técnicos, arquitectos, arquitectos técnicos e ciencias

No DOG do 11/03/2024 publican a RESOLUCIÓN do 27 de febreiro de 2024, da Dirección Xeral da Función Pública, pola que se convoca concurso ordinario para a provisión de postos de traballo vacantes de corpos e escalas de Administración especial da Administración xeral da Comunidade Autónoma de Galiza, escalas de enxeñeiros, enxeñeiros técnicos, arquitectos, arquitectos...
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...