Unha vez máis os empregados/as públicos podemos ser as víctimas dos recortes que prepara Feijoo para os Orzamentos Xerais do 2013.
O venres 21 está convocada unha reunión da Mesa Xeral de Negociación dos empregados públicos ás 13:45 na EGAP (Compostela) onde o goberno vainos dar conta do Capítulo I dos Orzamentos Xerais.
Pero hoxe, diversos medios de comunicación xa se fan eco da nova que mañán é posíbel que nos anuncien: un recorte do 7% nas retribucións no 2013.
Sexa como sexa, hoxe non podemos quedarnos de brazos cruzados esperando ao que suceda mañán sen expresar o noso rexeitamento a esta medida se finalmente se confirma o que relatan os medios.
O goberno de Feijoo, que leva meses vanagloriándose de cumprir os obxectivos de estabilidade orzamentaria e de contención do déficit para este ano, sendo inferior ao 1,5%, non fai máis que MENTIR unha vez máis.
Se mañán o goberno do PP nos vai informar dun recorte desta magnitude, hoxe non podemos permanecer pasivos e temos que demostrarlle que con iso atravaserarían a liña vermella dunha confrontación social pronunciada.
Os empregados/as públicos/as temos que dar HOXE unha resposta contundente para frear esta agresión que retrae os nosos salarios en casi un 30% nestes 4 últimos anos.
Se xa tiñamos motivos dabondo agora é a hora de que NINGUÉN SE QUEDE PASMADO. Hai que mostrar unha oposición activa na defensa dos nosos salarios, dos nosos postos de traballo e dos servizos públicos.
HAI QUE MOBILIZARSE ANTES DE QUE ISTO SEXA REALIDADE
NON AO RECORTE DE FEIJOO!!!
