Novas por contido

No DOG do luns, 10 de abril de 2017 a EGAP en colaboración co ISSGA convoca un curso de prevención de riscos laborais en actividades de tempo libre, nivel básico, para empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais.

O curso ten 60 horas de duración e conta con 30 prazas. Será en modalidade de teleformación.  O prazo de presentación de solicitudes é do 11 ao 20 de abril de 2017 a través da páxina web da EGAP https://egap.xunta.gal/matricula.

Os criterios de selección corresponden aos do Plan de formación no eido do tempo libre 2017 da Dirección Xeral de Xuventude e Voluntariado seguindo a orde de prioridade:

1º. Posuír o titulo de monitor/a ou director/a de tempo libre.

2º. Ter o carné xove en vixencia.

3º. A orde de inscrición.

A proba final do curso realizarase de forma descentralizada nos Centros Territoriais do ISSGA nas localidades da Coruña, Lugo, Ourense e Pontevedra e en Santiago de Compostela na sede da EGAP.