Novas por contido

A sección sindical da CIG do persoal laboral da Consellaría de Política Social na provincia da Coruña vén de reclamar por escrito que as inspeccións anunciadas pola conselleira, Fabiola García, nos centros residenciais para persoas maiores se leven a cabo nos festivos do 15 e 16 de agosto e 2019, cando menos nos dependentes da xefatura territorial da Coruña.

Vai rematar o verán e as inspeccións anunciadas “a bombo e platillo” aínda non se realizaron, polo que está sen verificar o cumprimento das ratios de persoal e a ocupación máxima destes centros. 

Seguen a ocultar con publicidade e propaganda a verdadeira situación dos centros e a precariedade do persoal

A máxima responsábel de Política Social anunciaba o pasado 30 de xuño “con gran despregue de medios de comunicación a inminente posta en marcha dunha campaña de inspección de servizos sociais no verán”, coa finalidade de garantir a calidade dos centros de atención a persoas maiores e para verificar o cumprimento das ratios de persoal e de ocupación máxima dos centros residenciais.

Pero unha vez máis demóstrase que en servizos sociais na Xunta todo queda en publicidade e propaganda, xa que ningunha das residencias públicas dependentes de Política Social na provincia da Coruña recibiu a visita anunciada da inspección.

A CIG reclama que as inspeccións anunciadas se realicen nos festivos do xoves 15 e venres 16 de agosto, días nos que as residencias de maiores de Política Social carecen da presenza de direccións e xefes/as de departamento e contan con persoal na súa maioría de nova incorporación, o que unido ao fin de semana do 17 e 18 de agosto supón catro días seguidos nos que calquera incidencia ou necesidade vai ter que ser resolta polo persoal de servizo do centro de atención directa, pero sen atribucións de director, xefe/a de departamento ou coordinación de enfermería.

Sen equipos de dirección

Deste xeito a inspección poderá verificar durante estes catro días as ratios de persoal, que en postos de dirección, mandos intermedios, persoal de administración e equipos multidisciplinares vai ser de cero presenzas, por debaixo dos servizos mínimos fixados para unha folga. Así como tamén poderá comprobar como a ocupación de residentes non chega ao 100%.

O persoal dos centros de atención directa seguiremos aguantando as condicións laborais en precario e de sobrecarga de traballo, coa repercusión que isto ten na atención aos residentes, mentres a conselleira segue ocultando a base de publicidade e propaganda pagada con fondos públicos a realidade da situación dos centros de maiores de Política Social, que manteñen os recursos e os servizos de calidade polo alto compromiso e dedicación do cada vez máis escaso persoal.

Outras novas recentes

Xoves, 09 Outubro 2025

Promoción interna de corpos xerais (para MSF 13/10/25)

A directora xeral de Emprego Público e Administración de Persoal convocounos a unha xuntanza da Mesa Sectorial de Persoal Funcionario que será o luns 13 de outubro, coa seguinte Orde do día: Bases da convocatoria da promoción interna separada ao corpo superior-A1 Descargar Bases da convocatoria da promoción interna separada ao corpo de xestión-A2. Descargar Bases da...
Xoves, 09 Outubro 2025

O Tribunal Supremo obriga a que o TSXG se posicione sobre a obriga de certas PSX do Consorcio a asumir tarefas de limpeza

O Tribunal Supremo considera que a demanda polas tarefas de limpeza das/os psx ten que xulgarse como conflito colectivo e devolve o caso ao Tribunal Superior de Xustiza de GalizaA CIG interpuxo no TSXG un conflito colectivo en desconformidade coa interpretación que o Consorcio dá á cláusula do Acordo de Integración e  coa práctica do Consorcio Galego de Servizos de...
Luns, 06 Outubro 2025

A Xunta, cómplice de maltrato nas residencias

Dende a CIG apoiamos a loita do Comité de Empresa de Política Social fronte á posición de desleixo e inacción da Cosellaría, incapaz de aportar solución algunha ante o maltrato e as agresións que están a sufrir o persoal das residencias e as usuarias e usuarios.   Dende o Comité de Empresa de Política Social de Pontevedra convocouse o pasado venres 3 de outubro unha...