Novas por contido

Recibimos o segundo borrador de prazas vacantes para o concurso de traslados de corpos xerais. Neste listado xa están incluidas todas as consellerías.

O listado inclúe algunhas modificacións respecto do primeiro listado (consellerías do Mar, Política Social, Sanidade, Cultura, Educación, Economía e Infraestruturas), no sentido de que inclúen prazas novas, e engaden observacións a prazas que as consellereías queren retirar por ter prevista a súa amortización (son as que indican "PRESENTADA CERTIFICACIÓN").

A CIG presentou alegacións ao primeiro listado, con referencias a 53 postos, pero tan só nos fixeron caso a 11 deles.

Rexeitamos a retirada de prazas por proposta de amortización das consellarías. En primeiro lugar, porque as consellerías puideron facelo e non o fixeron. En segundo lugar, porque repiten a artimaña para retirar prazas dos concursos que finalmente non son amortizadas.

Observamos un exceso de “incidentes” en prazas de Educación que non aparecen no borrador de vacantes do concurso, polo que solicitamos unha revisión a fondo das prazas desta consellería.

Denunciamos o actuar neglixente da consellería de Educación, ao non engadir en RPT (e por tanto non poden sair no concurso), prazas que levan tempo ocupadas. Referímonos a centros de nova creación, que levan anos funcionando, pero aos responsábeis de educación non se lles lembrou que teñen a obriga de incluir os postos en RPT, e por tanto non saen no concurso. Non é a primeira vez que ocorre: un caso de fai anos foi o IES o Barral-Ponteareas, creadas en RPT con catro ou cinco anos de retraso dende a súa ocupación e que non foron ofertados en varios concursos anteriores. Agora pasou no IES de Soutomaior. En data 19/06/2018 a CIG dirixiu escrito á Secretaría Xeral Técnica da consellería de Cultura, Educación e Ordenación Universitaria solicitando a incorporación das prazas en RPT. Máis dun ano despois, a Administración non cumpriu coas súas obrigas, polo que as prazas (dous subalternos e un auxiliar administrativo) non aparecen en RPT, razón pola que non se inclúen na relación de prazas vacantes a ofertar no concurso. A CIG solicita a tramitación urxente dunha modificación da RPT de Educación para incluír os referidos postos en RPT, e oferta dos mesmos en concurso de traslados. En paralelo, esiximos o cese das persoas responsábeis desta neglixencia (por non falar de prevaricación).

Temos de prazo ata o 29 de xullo para facer alegacións. Se queres comunicarnos algo, podes contactar coa CIG.

Engadir que a posibilidade de que o concurso fose convocado en xullo, xa vai ser imposíbel. Así que a cousa vai quedar xa para setembro.

Outras novas recentes

Xoves, 19 Novembro 2026

O sector dos coidados e a atención ás persoas en loita!

As traballadoras do sector de coidados e atención denuncian a precariedade da súa situación laboral e dos servizos que se prestan desde a Consellería de Política Social e a Consellería de Educación. Centos de manifestantes marcharon en Santiago de Compostela o sábado 14 de novembro, reclamando a creación dun Servizo Público Galego de Atención ás Persoas que garanta servizos...
Xoves, 19 Novembro 2026

Aplicación do Decreto 37/2006 e listas definitivas de PSX e xerocultura

No DOG do 19/11/2026 publican: - RESOLUCIÓN do 13 de novembro de 2026, da Dirección Xeral de Emprego Público e Administración de Persoal, pola que se dispón a aplicación do Decreto 37/2006, do 2 de marzo, na cobertura dos postos do corpo auxiliar da Administración xeral da Comunidade Autónoma de Galicia, escala de persoal de servizos xerais (PSX), e do corpo de auxiliares...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...