Novas por contido

O persoal laboral da Consellería de Educación recibiu o día 3 de abril unha carta da conselleira na que se nos fai unha chamada de auxilio para reforzar o persoal da Consellería de Política Social.

É curioso que o saúdo empregado sexa “Querido/s amigo/s:” cando o persoal ao que se dirixe é maioritariamente feminino xa que está dirixido a persoal de limpeza e de coidados.

Nesta carta a conselleira pídenos que sexamos heroes, e as traballadoras e traballadores desta Consellería non queremos ser nin héroes nin heroínas senon persoal responsable e coas condicións laborais óptimas e de total seguridade e sempre coñecidas de antemán.

Dende a CIG non nos cabe a menor dúbida de que o persoal desta consellería estamos dispostos a aceptar o reto que esta situación nos supón; pero sempre e cando se nos facilite a maior información posible (a onde imos e en qué condicións vamos a traballar) para que esto nos permita facelo sin ningún tipo de inseguridade, xa que ainda que somos profesionais do coidado e da limpeza non temos experiencia para  o cometido que agora se nos solicita.

A CIG esixe que esa experiencia e profesionalidade que agora nos recoñece a conselleira, a teña en conta cada vez que solicitamos que se cubran as baixas de compañeiras coa maior brevidade posible, e se teñan en conta as especiais circunstancias dalgúns centros de ensino, así coma cando pedimos que se revisen as "ratios" establecidas para o persoal de limpeza e cociña (que se rixen por circulares e decretos de hai máis de 20 anos), ou cando solicitamos un "ratio" axustado á complexidade da problemática dos cativos con necesidades especiais ou cambiar a denominación dos auxiliares coidadores por Auxiliares Técnicos Educativos.

Os chamamentos ao persoal de educación comezaron 4 días antes da carta e non se respeitou a voluntariedade en todos os casos, pero sobre todo non se informa de xeito adecuado das medidas preventivas e EPI que van ter no posto de traballo, como tamén sucede con outros chamamentos de Politica Social. Esto é consecuencia do oscurantismo, a falta de información e o proceder de Politica Social na prevención, que é absolutamente caótico dende o comezo desta crise pero entendemos que a Consellería de Educación debe ser responsable do seu persoal polo que ten que asegurarse antes de ser chamados que as condición sexan as correctas. 

Polo que, dende a CIG esiximos á Consellería de Educación:

1. Informar dos protocolos de seguridade, EPI e condicions laborais previo ao chamamento. Estes protocolos de seguridade e saúde laboral en base a un Plan de Prevención actualizado e aprobado por centro de traballo cos criterios de protección e hixiene para o persoal de Sanidade dos centros hospitalarios públicos que garantan a integridade das persoas traballadoras. Este plan de prevención contará coa adecuada formación e información ao persoal traballador.
Así, deben proporcionarse os Equipos de Protección Individual (EPI) e  protocolos específicos para cada tarefa que se lle encomende ao persoal desta consellería, tal e como se fixo na de Medio Rural (que formou e informou ó seu persoal antes de comezar a prestar os servizos requeridos). Esiximos que estes sexan os adecuados considerando sempre un escenario de máxima protección, aínda que o centro onde preste servizos o persoal da Consellería de Educación non teña casos confirmados de COVID-19.

2. O respeito da voluntariedade do persoal segundo a Resolución do 30 de marzo de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade ao Acordo do Centro de Coordinación Operativa (Cecop), do 30 de marzo, estes son os criterios fixados:
a) Ofrecemento voluntario do persoal.
b) Proximidade xeográfica do posto de traballo do persoal afectado co centro en que se precisan os seus servizos.
c) Menor idade.
d) Menores cargas familiares.

A mobilidade é voluntaria e compensada, en coherencia coa orde do Goberno publicada no BOE do 28 de marzo, Orde SND/295/2020, de 26 de marzo.

Consideramos que éste é o punto máis importante, xa que si existe obrigatoriedade esta presión engádese ao estrés que supón o traslado a un centro descoñecido e realizar tarefas as que non está acostumado/a e a situación xeral da alarma sanitaria. Abandonar a familia durante 15 días con apenas unhas horas de marxe, xornadas de 38 horas ou falta de medios e EPI son cuestións que están a suceder nos centros de Política Social e o persoal o sabe polo que a falla de garantías de antemán e información aumenta a inseguridade de xeito alarmante. Os chamanentos non poden ser ao bruto, ameazando con sancións  ou apertura de expedientes disciplinarios.

Se sumamos todos estes factores o risco sicosocial é altísimo aumentando a fatiga e consecuentemente a posibilidade de erros e dun accidente e polo tanto da contaminación e contaxio por COVID-19.

3. Condicions laborais entre as que está o calendario de quendas (previo ao comezo da actividade) con xornada máxima e descansos definidos (semanais). Rexeitamos o confinamento obrigatorio mentres non sexa un criterio establecido a nivel sanitario (e se estea a dar tamén no persoal sanitario). 

Que se lle ofrezan hoteis a todo o persoal da Consellería de Educación que preste estes servizos excepcionais e que así o solicite para poder elexir voltar  ou non coas súas familias asumindo o risco que eso supón. 

4. Que a Consellería de Edcucaión asuma e defina concretamente que facer perante a situación persoal de empregados/as especialmente sensibles ao COVID-19 polas súas condicións de saúde, lactancia… e xestione directamente co Servizo de Prevención a imposibilidade deste persoal na prestación deste servizo excepcional.

5. Que a Consellería de Educación asuma e defina, tamén, o protocolo a seguir no caso de que o persoal teña menores e/ou maiores a cargo.

6. Equiparación salarial co persoal da Consellería de Política Social cos pluses correspondentes as tarefas e funcións que efectivamente se realizan. Especificamente deberán aplicarse os tres correspondentes (penosidade, toxicidade, perigosidade) e o de especial responsabilidiade.

7. Negociación  das compensacións en tempo de traballo ao exceso das quendas e ao confinamento se o houbese de forma que o tempo investido sexa considerado tempo de traballo a tódolos efectos (incluídos compensatorios) que serán compensados logo do remate do estado de emerxencia sanitaria. Para estes efectos consideramos oportuno a eliminación das suspensión do artigo 19 do V Convenio Unico para o persoal laboral da Xunta de Galicia.

Outras novas recentes

Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...