O luns, 12 de novembro, unha representación da Xunta de Persoal dos Servizos Centrais de San Caetano presentou no xulgado de garda de Fontiñas, en Compostela, a denuncia penal polo desaloxo policial dunha asemblea de traballadores que tivo lugar no edificio administrativo de San Caetano o pasado 3 de outubro.
Á saída dos xulgados a presidenta da Xunta de Persoal fixo unhas declaracións aos medios alí congregados. Resaltou que ao día seguinte dos feitos, e xunto co comunicado, se presentara un escrito ao conselleiro de Presidencia solicitando a apertura dun expediente informativo sobre os feitos. Despois de máis dun mes, aínda siguen sen resposta. Motivo que fundamenta que recurran á Xustiza.
O pasado 5 de outubro a Xunta de Persoal, conxuntamente co Comité de Empresa, emitía un comunicado denunciando o que consideran un desaloxo ilegal da asemblea de traballadores que tivo lugar o 3 de outubro, solicitaban a apertura dun expediente informativo á Consellaría de Presidencia e puñan en mans dos servizos xurídicos os feitos para o estudo de vulneración da liberdade sindical.
