Novas por contido

Na xuntanza do día 1 de marzo, Educación segue nas súas trece sen apenas movementos. O destacable é que conseguimos que non amorticen 8 prazas ocupadas por persoal interino en centros de ensino:

  • Dúas delas quedan consolidadas, a do CPI de Catoira porque as necesidades dun centro con catro edificios fai que sexa necesario o posto de subalterno, e a do IES Xesús Taboada Chivite de Verín, porque en vez de amortizar o posto inicial amortizan o outro posto dunha persoa que se vai xubilar.
  • En relación ás outra 6 prazas non se van amortizar nesta RPT quedando pendentes de como evolúe a situación e se plantexaran se non hai cambios amortizalas na seguinte RPT.

Creanse dous postos novos, no CEIP Castrillón de Coiro (Cangas) e no CEIP Humberto Juanes de Nigrán, que inicialmente ía cubrirse trasladando o posto dende o IES Escolas Proval.

Polo demais só admiten os cambios voluntarios dentro da mesma localidade, como por exemplo que a praza do IES R.O do Uruguai de Vigo pase para o CEIP García Barbón, en vez de para o de Frián-Teis.

Seguen sen admitir un plan plurianual para a creación de postos de Administración Xeral en todos os centros docentes e tampouco admiten que sexan todas de nova creación en vez de realizar traslados. Plantexamos tamén que a problemática dos centros excede dunha simple RPT e que hai que abordar a cuestión das funcións, cousa que Educación non quere. O mesmo sucede coa revisión de ratios e criterios para a dotación de persoal dos centros.

En definitiva que a pesares de haber algún avance positivo, Educación segue enquistada no inmobilismo.

Outras novas recentes

Luns, 27 Outubro 2025

Bases do concurso de educacion infantil + aux. coidador/a (borrador 27/10/25)

A Dirección Xeral de Emprego Público e Administración de Persoal achéganos as bases e o listado de prazas do concurso de traslados das especialidades de educador/a infantil (técnicos/as facultativos e axentes técnicos/as facultativos) e da excala de auxiliar de coidadores. Os sindicatos temos prazo para presentar alegacións ata o luns 3 de novembro, así que se tes algo que...
Venres, 24 Outubro 2025

A CIG reclama unha suba do 5% para o persoal empregado público e unha cláusula de garantía salarial vinculada ao IPC

A Área Pública da CIG (Administración, Ensino e Saúde) vén de iniciar a recollida de sinaturas da Proposición Non de Lei (PNL) para blindar por lei a revalorización salarial na administración xeral, o ensino e a sanidade  A Área Pública da CIG  compareceu en rolda de prensa este luns para reiterar as demandas para garantir a recuperación da capacidade adquisitiva do...
Martes, 21 Outubro 2025

Borradores dos procesos selectivos de corpos xerais, PSX, auxiliar de clínica e psicoloxía

Dende a Dirección Xeral de Emprego Público e Administración de Persoal remítenos os borradores de convocatorias dos seguintes procesos selectivos para alegacións ata o venres 31 de outubro ás 15:00 horas. Corpo auxiliar da Administración xeral da Comunidade Autónoma de Galicia, subgrupo C2, escala de persoal de servizos xerais (PSX). PI. Descarga documentación Corpo de...