A CIG consegue o apoio da oposición no Parlamento Galego para modificar a RPT que permita reforzar e aumentar o tempo de traballo do persoal de tres meses do SPDCIF.
O PP deixa a decisión en mans de Función Pública.
O pasado luns 30 de Maio, representantes da CIG entrevistàmonos cos catro grupos parlamentares con presenza no Hórreo (PP, BNG, AGE, PsdG) para expoñer a PNL presentada por esta central sindical pedindo a modificación da RPT de medio rural no que á temporalidade dos contratos do persoal de reforzo de verán do spdcif se refire. A petición en sí esixe a modificación da duración do tempo de traballo anual pasando dos actuais tres meses a un mínimo de nove.
O argumentario como xa comentamos fai uns días, xiraba arredor dos seguintes puntos:
- A fraude de lei que supón que este colectivo esté fora do convenio tal e como reflexan o convenio e os contratos.
- A entrada da nova lei de proteccion civil coas novas competencias e perda da temporalidade específica dos tres meses.
- Incremento do custe é asumíbel e razoàbel.
- A necesidade de rematar con esta precariedade contractual.
Por parte de AGE , a xuntanza foi con Antón Sànchez, quen amosou o seu acordo coa proposta e o compromiso de presentala para ser tratada como PNL.
No caso do BNG recibiunos Tereixa Paz, da cal obtivemos o mesmo compromiso.
Polo PSdG recibiunos Pablo García, do cal obtivemos tamén o apoio a nosa proposta e a vontade de presentala conxuntamente cos outros grupos parlamentares.
Por parte do PP recibíronnos Jose Manuel Balseiro e o presidente da comisión de agricultura Vidal Martínez. Dixéronnos que estiveran estudando a proposta e que a trasladaran a funcion pública, que estes a estaban estudando a súa vez e que estaban pendentes do seu ditame, pospoñendo a súa resposta ate que lles de ou non función pública o visto bo. Deixan ben claro que si función publica da o visto bo pola súa parte non habería problema. Xa non é a primeira vez que dende o PP se pasa a bola a función pública como si esta fóra allea ó goberno da Xunta, podendo quedar simplemente nunha manobra típica do buenismo preelectoral para que sexa nada ó medio prazo.
À hora da confección desta nota non tiveramos contestación do grupo mixto.
Quedamos pois expectantes e vixías coas accións que arredor desta PNL se desenrolen ate conquerir o que consideramos é de xustiza.