Novas por contido

O venres, 4 de maio, tivemos unha xuntanza con Función Pública e máis a secretaria xeral de Facenda para  tratar a proposta de borrador da convocatoria da escala técnica de finanzas.

En primeiro lugar, manifestamos a nosa sorpresa por esta convocatoria separada cando o director xeral nos comunicara que ía sacar unha OPE 2012 que recollería as convocatorias pendentes xunto cun cronograma de todos os procesos. Instamos a Función Pública a que saque este cronograma de desenvolvemento do resto de procesos selectivos, antes de andar negociando convocatoria a convocatoria, e recordamos o compromiso do director xeral coa promoción interna e a preferencia para a súa execución.

Función Pública responde que van seguir ese compromiso pero que a consellaría de Facenda precisa cubrir esas prazas porque ten unha demanda urxente de persoal da escala técnica de Finanzas. Recordamos que na última convocatoria había 11 prazas e o tribunal só aprobou a 3 aspirantes. A secretaría xeral defende que esta ten que ser necesariamente unha oposición dura.

Precisamente, con relación a este tema, destacamos que non aparece recollido o número de prazas que se convocan cando segundo a OPE do 2011 da que deriva esta convcatoria serían 8. Función Pública contesta que non puxeron o número porque pretenden ampliar o número con base no artigo 70 do EBEP. Solicitamos que nos comuniquen o número exacto en canto fagan as xestións pertinentes.

De xeito particular facemos as seguintes alegacións:

Sistema de acceso

Solicitamos que se contemple, dentro da legalidade vixente, como sistema de acceso o concurso-oposición. Nesta convocatoria, coma na maioría de peroal funcionario, só se valora a capacidade e non os méritos das persoas aspirantes, nin tan sequera para a promoción interna. Consideraríamos como compromiso de mínimos por parte da Administración un 50% do máximo que permite a Lei de Función Pública de Galiza.


Promoción interna

Neste borrador de convocatoria non existe un fomento da promoción interna real xa que non contempla unha nota de corte separada, unha redución de temario ou a supresión dalgún exercicio. Solicitamos:

  • Unha nota de corte separada da quenda libre.
  • Unha reserva mínima do 50% do número de prazas totais.
  • A exención dalgunha proba respecto á quenda libre ou, canto menos, a redución dunha parte do temario.


Sorprendentemente a secretaria xeral de Facenda desbota potenciar a promoción interna, decindo que nesta escala vai ser anecdótica. Por outra banda, para xustificar a ausencia da fase de concurso pon como exemplo o fracaso da consolidación na que se presentaron 13 persoas e non aprobou ninguén. Insisteimos en que non se poden facer unhas bases en función de antecedentes puntuais ou vaticionios persoais, senón que se debe crear un marco obxectivo e neste marco debe dárselle o peso aos méritos e á promoción interna que recoñece a lei.


Nota de corte

Que se recolla expresamente na convocatoria para dotar de maior seguridade xurídica ao proceso e garantir a concorrencia competitiva no número de persoas aspirantes por praza nas diferentes probas.  A nota de corte podería realizarse sobre unha alternacia dun sistema abosoluto (% de resposta correctas) xunto cun sistema relativo (número mínimo e máximo de persoas aprobadas por praza).

Exames

Datas de exames: de cara a organización da persoa opositora, a convocatoria debe acotar o prazo aproximado de realización das probas e mesmo a extensión do proceso selectivo. Propoñemos recoller expresamente a coletilla “que non sexa anterior a ....”  e “nin máis tarde de”

O primeiro exercicio, que é o único obxectivo por ser test, resulta ser o que menos peso ten na oposición. Debería ter máis puntuación.

No segundo exercicio, de cara a facilitar tanto o control dos textos permitidos como optimizar a realización da proba por parte dos oposicotres, os textos legais que sexan necesarios para a proba deberan ser facilitados polo propio tribunal, ben sexa en formato electrónico ou en papel.

No terceiro exercizo, propoñemos que se elimine unha das dúas probas. En calquera caso:

  • Na proba primeira de preguntas curtas o tempo debería aumentarse a 90 minutos.

  • Nos temas a desenvolver, poder elixir 2 entre 4 (no canto de 2 de 3) e aumentar 1 h para desenvolvelos, sendo a duración máxima 4 horas.

Coñecemento da lingua: o coñecemento da nosa lingua non queda acreditado cun mero título. Solicitamos que os exames sexan en galego ou ben se realice un exame obligatorio que garanta o seu correcto coñecemento para o desenvolvemento das tarefas propias da escala.


Temarios

Solicitamos que sexan editados pola EGAP, cunha antelación suficiente á realización das probas, e que estes estean en galego.

A parte I do temario debería reducirse e elaborarse únicamente con textos legais e non con temarios, seguindo a liña das demais e escalas do Subgrupo A2 da Xunta de Galicia.

Para a promoción interna debe establecerse como mínimo a exención dos temas 19 a 42, e os temas 44 e 45, relativos á dereito constitucional, estaturario e administrativo, coñecementos demostrados sobradamente no acceso a en calquera corpo ou escala do Subgrupo C1 da Administración da Xunta de Galicia.

Tribunal

Na composición do tribunal continuamos demandando a presencia sindical.


A pesar do ámbiente de cordialidade, por parte da Administración non hai  intención de  facer grandes cambios.


Presentamos por escrito as alegacións o martes, 8 de maio. O mércores inclúen este punto na convocatoria para a Mesa Xeral.

Outras novas recentes

Venres, 03 Outubro 2025

Persoal da Xunta de Galiza reclama unha solución inmediata á parálise dos concursos de traslados (Concentración 30/09/2025)

A CIG demanda unha prelación xusta, axilidade na resolución, máis medios e a duplicidade dos postos bloqueados por medidas xudiciais Traballadoras e traballadores da Xunta de Galiza concentráronse na mañá do martes 30 de setembro de 2025 diante do edificio administrativo de San Caetano para esixir unha solución inmediata aos concursos de traslados, paralizados dende hai...
Mércores, 24 Setembro 2025

Tes propostas para o plan de formación 2026 da EGAP?

Un ano máis a EGAP solicita á CIG a achega de propostas de actividades formativas de cara á elaboración do seu plan de formación anual, manténdonos á representación legal do persoal á marxe dos criterios de selección empregados. Na CIG volvemos recibir a invitación da EGAP para facérmoslle «propostas» de accións formativas para o ano 2026.  Como vén sendo habitual até...
Venres, 26 Setembro 2025

Avaliacións de saúde do persoal do Consorcio. Xa non era sen tempo!

Xa non era sen tempo! Por fin van comezar a citar ás persoas traballadoras para as revisións de saúde de 2025!Despois de poñernos en contacto co Servizo de Prevención propio da Xunta e con Vitaly, esta última comunícanos que van comezar a citar ao persoal para as revisións médicas ordinarias. Unicamente as avaliacións que se fixeron este ano foran petición propia dun centro...