Na Comisión de Persoal do martes, 3 de xullo, ía un único punto do día para votar: a modificación da RPT de Medio Rural con relación ás contratacións de verán do persoal de incendios. Ao remate, o director xeral de Función Pública deu información sobre:

• o concurso de persoal laboral grupo I-IV

• o cambio de categoría do persoal laboral grupo V

• as listas de contratacións de incendios.

RPT de Medio Rural (persoal de incendios)

A CIG manifesta o seguinte:

• Estamos dacordo coa creación de postos de traballo, pero no número das efectuadas no ano 2011 (738), non nas actuais 436.

• Aceptariamos non menos de seis meses de traballo ininterrumpidos.

• Rexeitamos a modificación no apartado de “observacións” da RPT que permite que as contratacións sexan individualizadas dependendo da planificación da campaña.

• Esta creación é precarizar o emprego público, unha escravitude.

Votamos en contra. O resto das centrais sindicais tamén votan en contra.


Ao remate, o director xeral de Función Pública comentou o seguinte:

• Concurso laborais I a IV: houbo 30 reclamacións previas á vía xudicial solicitando a retirada de postos (disposición transitaria 14) das que estiman só unha (de código PR3994080115001.011 – técnico auxiliar de imaxe no CGAI na Coruña); publicarán no DOG a estimación da reclamación. Listas de persoas admitidas/excluidas no DOG o 12 de xullo. Houbo 653 solicitudes. Excluen provisionalmente a 52.

• Cambio categoría do grupo V: sairá no DOG en xullo. Participan 260 dos que 103 cumpren as condicións ou existen postos.

• Listas contratación incendios: a modalidade de contratación será a de fixos discontinuos, están estudando a posibilidade de considerar os postos “non vacantes” aos efectos do artigo 15 do decreto 37/2006 (decreto de listas) para permitir opción a vacante (non hai obxeccións por parte de Medio Rural nin de Función Pública). Caso de renunciar ás prazas entón haberá penalización. En un ou dous días comunicarano aos sindicatos. A xuntanza prevista para mañá segue.