Novas por contido

A comparsa de entroido da CIG en San Caetano reparte chourizos e solicitalle á Xunta que faga como o Vaticano coa do Papa e non amortice prazas vacantes.

Aproveitando que o martes de Entroido foi un día semi-festivo en San Caetano, e cando menos tradicionalmente lúdico, uns compañeiros e compañeiras da CIG nos Servizos Centrais da Xunta de Galiza estiveron percorrendo os corredores e unidades administrativas de San Caetano.

Ataviados con máscaras de Bárcenas, Montoro e cunha mitra papal como homenaxe ao papa Ratzinger, aproveitouse para, recollendo a actualidade, darlle a volta e reivindicar a corrupción instalada no Partido Popular aló onde goberna, facendo tamén un chamamento en contra do actual proceso de amortización de prazas e de privatización dos Servizos Públicos na Xunta de Galiza.

Un dos eslóganes que se repetiu aló por onde se pasaba era: "O papa xubílase e cúbrenlle a praza, O funcionario xubílase e amortízanlle a praza". Nas declaracións aos medios de comunicación púxose de manifesto a situación que se vai derivar dos vindeiros orzamentos da Xunta, onde está previsto que se amorticen máis de 1.000 prazas de persoal funcionario. Así mesmo, como feito simbólico, repartíronse chourizos entre o persoal traballador da Xunta co lema"Axúdanos a acabar cos chourizos na Xunta", e por certo, estaban boísimos e, aínda que repitan un pouco, non son tan perigosos coma os outros.

Dende as Seccións Sindicais da CIG temos que facer un saúdo especial para coa Policía Autonómica, que se apuntou dende o primeiro momento á comparsa, seguíndonos por todos os corredores e velando pola nosa saúde, pedíndonos insistentemente que nos quitásemos as máscaras por dentro dos edificios administrativos, dado que eran conscientes da calor que estas producían, e dando un colorido azulón á comparsa que quedou moito vistosa.

Outras novas recentes

Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna'...