Achéganos a Administración unha proposta de modificación da Axencia de Protección da Legalidade Urbanística (APLU). Na memoria xustificativa faise un resumo da primeira modificación desde a rpt inicial para posteriormente entrar no obxecto desta segunda modificación: a supresión dos postos vacantes que a Lei de Orzamentos de 2013 deixa sen dotación orzamentaria.
Tras unha detallada xustificación en base a procesos selectivos rematados e concursos pendentes,a proposta final é a de amortizar 2 postos de xefaturas de servizo e 1 posto base C2. De novo, comprobamos como vía constrición orzamentaria limítase o gasto para postos de emprego público e se obriga a súa amortización pero non se amortizan os gastos en asistencias técnicas ou outras cuestións como a publicidade institucional.
A xuntanza terá lugar o martes, 21 de maio na sede da APLU. Podedes achegarnos as vosas consideracións a autonomica@cigadmon.gal.