Atención: os actos do día da Patria están a ser desconvocados, incluidas as manifestacións, polo accidente de tren que ocorreu o día 24 en Compostela con numerosos falecidos/as e feridos/as. Dende a CIG-Autonómica, transmitimos o noso pésame ás familias e amigos/as das persoas afectadas.
Dende a Sección Sindical de persoal funcionario dos Servizos Centrais, queremos animar ás nosas compañeiras e compañeiros a celebrar un día máis o 25 de xullo, celebración que se remonta ao ano 1919, cando as Irmandades da Fala retomaron o camiño do pobo galego pola súa soberanía e liberdade, pola nosa lingua e a nosa cultura e tamén, como non, pola loita dos dereitos da clase traballadora galega.
Este ano 2013, xa non lembramos cando empezou esta estafa que os medios de incomunicación chaman crise, xa non lembramos tampouco cal foi o primeiro recorte ou cal foi o primeiro ataque á clase traballadora, pero si temos que ter claro que a única saída a esta ofensiva está na contestación ao capitalismo onde máis lles doe: nas rúas.
- Manifestación do BNG, ás 12:00 h. dende a Alameda.
- Acto político de Anova, praza de Mazarelos, dende as 12:30 h., logo xantar popular en Belvís.
- Manifestación de Causa Galiza, manifestación independentista. Saída às 12:00 h. da Alameda de Compostela, detrás da do BNG.
- Manfestación de Nós-Up, manifestación independentista. Partirá ás 12:30h. da Alameda de Compostela.
- Acto político de Compromiso por Galicia, no parque de Belvís ás 13:00 h.
