Na Comisión de Persoal do 23 de xullo leváronse a votación os seguintes puntos: Decreto de integración de Industria, prolongación servizo activo persoal Lei 17, anteproxecto de Lei de racionalización, concurso das Escalas de Finanzas e modificación da RPT de Facenda
DECRETO DE REORGANIZACIÓN DAS ENTIDADES ADSCRITAS A INDUSTRIA
Manifestamos que non recollen o fundamental das nosas alegacións. Pero o máis importante é que vai ser difícil que a CIG poida apoiar reorganizacións nacidas dunha lei e dun decreto que a CIG votou en contra. Non estamos dacordo coa integración, tal e como ven derivada da LOFAXGA e do Decreto que regula ao persoal das entidades instrumentais, e ademais vai supoñer unha integración á carta e con criterios arbitrarios onde a Administración vai poder ao final escoller quen integra e quen non, quen ocupa un posto estrutural e quen non. No caso do persoal temporal e indefinido non se garante que o posto se cree na nova axencia co que pode dar lugar ou ben, a ser despedidos (e lembremos que aquí houbo numerosos casos de represión laboral e sindical), a adscribilos a postos de persoal interino ou temporal da Xunta (algo inadmisíbel) ou a crear os postos para ocupalos temporalmente (algo que está nas mans da Xunta).
Introducen unhas modificacións ridículas, unha referida ao carácter voluntario da integración (algo que ven recollido no decreto marco) e outra referida a un futuro estudo para determinar cales son as necesidades de emprego estrutural (que supoñemos que lles vai valer de tamiz para filtrar a xente afín).
CIG- En contra
CCOO- Abstención
UGT- A favor
CSIF- A favor
ORDE PARA A PROLONGACIÓN DA PERMANECIA NO SERVIZO ACTIVO DO PERSOAL DA LEI 17 (ESCALA DE SAÚDE PÚBLICA)
A CIG non considera necesaria esta Orde pois xa existe unha de xaneiro feita para o mesmo fin para todo o persoal dependente de Función Pública, entre eles o persoal funcionario de Saúde Pública).
Fora disto a CIG se reitera no dito para a orde que regula esta materia con carácter xeral e non considera que se deba admitir a prolongación máis que no caso de que falten períodos de cotización para a xubilación.
CIG- En contra
CCOO- Abstención
UGT- En contra
CSIF- En contra
ANTEPROXECTO DE LEI DE RACIONALIZACIÓN DO SECTOR PÚBLICO
Este punto foi retirado para ampliar o prazo de alegacións.
Van a estudar as alegacións presentadas polas OOSS, en concreto sobre o IGE. Sobre as funcións da nova axencia o estudarán pero pensan que tal e como veñen recollidas no art. 39 son similares ás actuais e ademais estas deberán ser recollidas no decreto que aprobe os Estatutos da nova axencia. Tamén están dispostos a estudar a autonomía funcional do director/a que dentro da Axencia asuma a matería estatística.
Coa fusión IGE-CIXTEC a Administración desbotou outra posibilidades que eran a fusión do CIXTEC con AMTEGA ou ben coa ATRIGA.
CONCURSO DAS ESCALAS DE FINANZAS
Reiterámonos nas alegacións da Mesa Xeral que non foron tidas en conta o que nos leva a votar en contra. Queremos que se poña en marcha este concurso pero non así. O Director Xeral comenta que despois de rematada esta tanda de concursos convocará ás OOSS para tratar de consensuar para o futuro unhas bases que rixan todos os concursos.
CIG- En contra
CCOO- Abstención
UGT- En contra
CSIF- Abstención
O director anuncia que se convocará de xeito inmediato en agosto pero cun prazo máis amplo que se abranga algún período de setembro.
PROPOSTA DE MODIFICACIÓN DA RPT DE FACENDA
A Administración propón modificar dous postos de xefatura de servizo. Un deles se abre das escalas de finanzas á Xeral. Non podemos aceptar este xeito de actuar da Administración que lonxe de actuar con criterios obxectivos para detectar cales son as carácterísticas deses postos para logo determinar que corpos ou escalas son os óptimos para cubrilos, o que fai é adaptar o posto á persoa que queren que o cubra, abrindo ou pechando aos corpos ou escalas aos que lle interesa. Lamentábel xeito clientelar de xestionar unha RPT, a golpe de ordes netamente políticas.
CIG- En contra
CCOO- A favor
UGT- A favor
CSIF- A favor
VARIOS
- Reiteran que a resolución do concurso de corpos especiais o publicarán en xullo se da tempo e senón en setembro.
- Dende a CIG pedimos que se apliquen criterios similares en relación ao días de ausencia por motivos médicos que non xeren IT, xa que algunha xefatura territorial esixe que ao faltar un día por causa médica se presente parte de baixa.
