Novas por contido

so na escuridadeA reunión do 30 de setembro coas conselleiras de Facenda e Sanidade engade outra capa de betume ao futuro retributivo do persoal da administración pública galega. Despois de comezar explicando o panorama económico de Galiza, do que somos conscientes pero non causantes, comunicáronos que ían aplicar o artigo 38.10 do EBEP e suspender todos os acordos salariais que estaban en vigor (saúde e xustiza). Limitaranse a aplicar unicamente o acordo do 0,3% de Madrid, e iso porque lles resulta obrigatorio. O que non se aclarou é que vai pasar co outro 0,3% que na Administración Xeral do Estado vai ao fondo de pensións e que na Xunta ven dando lugar ao reparto lineal entre todo o persoal.

Outros aspectos retributivos que se van ver afectados serán o Fondo de Acción Social, que quedará conxelado. Convén recordar que no programa eleitoral do PP, xa en plena crise, se prometía acadar o 1% da masa salarial para este fondo. Por suposto, quedou tamén confirmada a súa intención de aprazar a lábil promesa de desenvolvemento da carreira profesional, continuamente defendida pola CIG-Autonómica.  Que é o que cambiu agora? Da máis vertixe o gasto público dende a altura do poder? Pois parece que non para todas as persoas xa que, apelando á solidaridade colectiva e ao principio de progresividade fiscal, preguntouselle sobre a retirada do sobresoldo de 210€/mes ás xefaturas territorias e deron a calada por resposta. 

En definitiva, non teremos ningún acordo salarial para os próximos anos e os que xa estaban asinados non van ser respectados. Con este tipo de decisións a Xunta  demostra o seu talante máis liberal no que os servizos públicos, e as traballadoras e traballadores que os desenvolvemos, non son (e somos) máis que números incómodos nos orzamentos autonómicos.

A loita polos teus dereitos é o luar na noite escura.

Ligazóns relacionadas:

As inmoralidades dunha conxelación salarial anunciada

Boletín especial conxelación salarial

A CIG-Autonómica solicita a implantación da carreira profesional na Xunta


Outras novas recentes

Venres, 13 Novembro 2026

Promoción interna de corpos xerais; funcionarización en excedencia; finanzas-veterinarios/as-agacal-gain-intecmar (MSF e MX 10/11/26)

O martes 10, véspera da Folga Xeral, asistimos á Mesa Xeral e Mesa Sectorial de Persoal Funcionario, nas que se trataron as convocatorias de promoción interna a corpos xerais e dos procesos de funcionarización de persoal laboral fixo que está en excedencia. Na rolda aberta de intervencións a DXEP deu información da escala de finanzas, da repesca de funcionarización de...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...