Novas por contido

A consellaría de Traballo presenta a segunda gran amortización de postos de traballo nun prazo de nove meses e continúa na deriva da súa precarización.

Nun acto de arrogancia e chulería, Traballo elimina os postos de coordinación dos equipos tanto de menores como da dependencia. Son postos que foran ocupados durante cinco anos por persoal de confianza e que tan so levaban sete meses ocupados polo persoal que concurriu a eles no último concurso de traslados de persoal laboral. Esto amosa que ao órgano directivo e político da consellaría de traballo non lle satisfai que haxa persoal laboral que poida ocupar postos de responsabilidade, de mando intermedio, con criterios de profesionalidade e de caracter técnico, polo que procede agora á súa fulminante eliminación, encargando a partires de entón todas as tarefas de coordinación a postos de libre designación política (xefatura de servizo de menores e xefatura de servizo de coordinación de centros, respectivamente).

Lembremos que o servizo de coordinación de centros foi creado na anterior reforma da RPT de traballo coa posición contraria das OO.SS por crearen postos sen contido e de carácter político a vez que amortizaban centos de postos de traballo nas oficinas de emprego, nos centros da dependencia, nos de asistidos, nos de atención a persoas discapacitadas...

O outro pé desta modificación da RPT é a precarización de moitos postos de traballo; a saber, persoal técnico de xardín de infancia  a media xornada para responder á prolongación de horario das escolas infantís; pasa a ser itinerante, continuará a media xornada e estará a disposición das xefaturas territoriais para mudar de centro de traballo dun día para outro. O mesmo acontece con outros postos de xornada completa, camareiros/as limpadores/as e TEXIS. CINISMO.

Por outra banda, Traballo xustifica a creación de 32 postos de traballo para as oficinas de emprego -despois de ter eliminado 109 promotores/as e 112 orientadores/as no ano 2012- para realizar tarefas de orientación laboral e procedementos de búsqueda de emprego, entre outras. Estes 32 traballadores/as non procederán das listas de contratación cunha ampla experiencia no servizo público de emprego; NON, estes postos serán ofertados en adscrición provisional aos xerentes das extintas fundacións de desatrollo comarcal e que están na súa casa cobrando a totalidade das retribucións dende o 21/06/2012.

O cinismo da Consellaría de Traballo e do Benestar non ten límites polo que a CIG esixe a súa inmediata demisión.

Outras novas recentes

Mércores, 18 Novembro 2026

Promoción interna corpos xerais, destinos veterinarios/as, gardacostas, PSX, funcionarización en excedencia (CP 17/11/26)

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que...
Xoves, 19 Novembro 2026

O sector dos coidados e a atención ás persoas en loita!

As traballadoras do sector de coidados e atención denuncian a precariedade da súa situación laboral e dos servizos que se prestan desde a Consellería de Política Social e a Consellería de Educación. Centos de manifestantes marcharon en Santiago de Compostela o sábado 14 de novembro, reclamando a creación dun Servizo Público Galego de Atención ás Persoas que garanta servizos...
Mércores, 18 Novembro 2026

RPT do Mar (centros de ensino) (26/11/26)

A Secretaría Xeral do Mar convocounos a unha xuntanza para o xoves 26 de novembro, para tratar unha proposta de modificación da súa Relación de Postos de Traballo. A proposta afecta ás escolas oficiais nautico-pesqueira de Ferrol e Ribeira, ao instituto en acuicultura da Illa de Arousa e ao instituto marítimo-pesqueiro do Atlántico de Vigo. En todos eles crean postos de...