Novas por contido

Na Comisión de Persoal do 17 de novembro votáronse as convocatorias de procesos selectivos de promoción interna para o corpo superior A1, corpo de xestión A2, e corpo auxiliar C2 . O noso voto foi en contra das bases desas convocatorias xa que non estamos conformes coas restricións do número de prazas, de escalas nin de recualificación dos postos ou dalgún sistema que facilite a proximidade xeográfica. É inaceptable que despois de moitos anos haxa que coller as maletas a Compostela. Por último non estamos conformes co 2º exercicio do A1, nin coa proba de informática do C2, nin con limitar a antigüidade a 25 anos.

Na rolda de intervencións preguntamos pola elección de destinos do persoal veterinario publicada no DOG do 13/11/26, xa que unha vez máis non ofertan destinos que quedaron sen escoller no concurso de traslados. A resposta da DXEP, como ven sendo habitual, é que en todos os procesos ofrecen un número de destinos similar ao número de aprobados/as. Efectivamente, esta directora mantén este tipo de rutinas tan prexudiciais para os traballadores/as alegando que son cuestións organizativas propias de Función Pública.

Tamén preguntamos por datas de publicación de listas complementarias (repescas) e di a directora que dende a súa dirección xeral van pedindo aos tribunais listas de novos aprobados/as e que cando poidan irán publicando. Nada novo.

Para a elección de destinos de patrón e mecánico en gardacostas di que están seleccionando os postos. Para a resolución de adxudicación de PSX e persoal xerocultor non ten data reservada en DOG e non pode concretar data de publicación e para o concurso de informática di que están traballando no baremo provisional.

No caso das convocatorias dos procesos de funcionarización do persoal que está en excedencia noutras categorías de persoal laboral. O persoal que está en excedencia en categorías que se transformaron en corpos e escalas de persoal funcionario ten dereito a poder quedar en excedencia neses corpos ou escalas.

Pero como xa levamos dicindo dende que optaron por este modelo de funcionarización, para facelo hai que garantir que os dereitos do V Convenio se recollan nun acordo regulador e mesmo, despois de gañar no Tribunal Supremo o contencioso contra a chantaxe da funcionarización para poder cobrar a carreira, que se recoñeza ese dereito por parte de Emprego Público. De aí que non nos opoñamos a que convoquen pero que non poidamos dar o visto e prace ao non recoñecer as nosas demandas.

Vista a falta de concreción típica, pedimos calendario de todo o que queda pendente por resolver pero nega poder facilitalo.

Outras novas recentes

Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...