Novas por contido

Como vén sendo habitual nos últimos anos, chegadas as datas de Nadal, a Xunta de Persoal de Lugo diríxese ao Presidente da Xunta de Galicia para que nesta época tan propicia para a reflexión, tome nota das xustas demandas que lle facemos desde este humilde organismo.

O incuestionable traballo dos empregados e empregadas públicas fai que merezamos cando menos xustiza no trato que se nos dispensa e non maltrato e carbón que foi o único que nos repartiu o Presidente desde a súa chegada ao poder. E este reparto de mineral tamén o fai o Presidente e o seu goberno para a poboación máis desfavorecida coa privatización e eliminación dos servizos máis básicos.

 

Por iso, e aínda que este ano nos portamos moi ben e que levamos perdido máis dun 30% do noso poder adquisitivo e somos das poucas comunidades autónomas que van ver como ao seu persoal se lles requisa de novo unha parte da súa paga extra, quédannos folgos para seguir reclamando xustiza para os nosos concidadáns e facémolo pedindo que se respecten os seus dereitos e mantendo os seus servizos máis básicos. As nosas peticións van dirixidas a un mellor funcionamento dos nosos servizos públicos e por tanto para toda a poboación.

Un ano máis, prometemos seguir a portarnos moi ben no noso traballo, o que non exclúe que estaremos mobilizándonos contra todas aquelas agresións que sufrimos e que sofren os nosos/as cidadáns/ás.

Fixemos a presentación desta petición desde un dos moitos locais baleiros que ten a Xunta de Galicia. Neste caso o da cafetería do edificio administrativo que mentres está pechada a cal e canto, pagamos alugueiros e mantemos ao persoal  con moitas limitacións de espazo no seu lugar de traballo.

Xuntámoslle por tanto ao Presidente a seguinte listaxe cos nosos desexos para o vindeiro ano 2014 entendendo que son peticións moi fáciles de resolver e que con elas estará o goberno galego ofrecendo unha mellor calidade de vida ao seu persoal e á súa poboación en xeral:

  • Que os soldos dos empregados públicos recuperen o 30% de poder adquisitivo perdido e o 100% das pagas extras.
  • Que non se produzan máis recortes sociais e laborais.
  • Que paren as amortizacións na administración da Xunta de Galicia.
  • Que se faga efectiva a descentralización dos cursos da EGAP.
  • Que se traballe a prol da dignidade do empregado público.
  • Que se cumpra a legalidade nas comisións de servizo e deixen de ser unha forma paralela de libre designación.
  • Que se dote de convenios con escolas infantís para os distintos centros de traballo da provincia de Lugo.
  • Que se cubran as prazas vacantes, baixas e xubilacións.
  • Que se evite o deterioro do Servizo Público.
  • Que se melloren as condicións de traballo en todos os centros da provincia.
  • Que se reduza o número de accidentes laborais.
  • Que sexa efectiva a flexibilización das xornadas de traballo.
  • Que se elimine o programa KRONOS e se recupere o seu gasto inútil.
  • Que se melloren as coberturas de seguros dos vehículos oficiais.
  • Que se melloren as condicións de climatización e electrificación dos edificios administrativos da provincia de Lugo.
  • Que se cumpran as leis sen ter que ir aos xulgados.
  • E sobre todo, que nos deixen traballar.

 

Outras novas recentes

Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...