Novas por contido

O pasado 3 de decembro de 2013 celebrouse o último comité de seguridade e saúde de Medio Rural no que se tomaron os seguintes acordos:

  1. Presentouse información sobre accidentes e incidentes de traballo tramitados na mutua que non deron lugar a baixa médica desde xaneiro de 2013 ata o 15 de novembro de 2013. Acórdase que é necesario saber o posto de traballo ou a categoría profesional co fin de poder intuír as causas e aplicar  ou revisar as medidas preventivas de se-lo caso.
  2. Pediuse aclaración sobre o estado da base e vestiarios da demarcación de Betanzos no Distrito Forestal II. Acórdase buscar un lugar habilitado dispoñible nunha parte mais céntrica do distrito apto como punto de encontro. Proponse o CIAM, xa que pode ter espazo suficiente e control de acceso as 24h. En relación con este punto e xa que houbo requirimento por parte de inspección de traballo para subsanar as condicións desta base e doutras demarcacións, pedimos que os requirimentos sexan canalizados cara este comité para ter coñecemento e tratar de acordar solucións.
  3. Acórdase solicitar desde este comité que se publiquen as avaliacións de riscos na páxina web da Xunta e que se estude forma e posibilidade de pendurar as actas aprobadas do comité de seguridade.
  4. Tras a análise da listaxe elaborada pola consellería sobre a existencia de taquillas nos centros de traballo na área do medio rural, detéctase unha grave carencia en numerosos centros de traballo. Ante esta situación acórdase instar á Secretaría a compra de taquillas para os centros que non dispoñen, a busca de taquillas de outros centros que non están sendo utilizadas e facer unha listaxe preliminar de postos que desenvolve tarefas de campo e precisan taquillas.
  5. O servizo de Prevención presentou unha enquisa ou proba específica de axentes químicos que se esta a facer ao persoal para determinar a súa exposición a tóxicos. Neste sentido, acordouse recordarlle por escrito ás xefaturas territoriais que todo o persoal que manexe produtos fitosanitarios teñen que estar en posesión do carné preceptivo para o manexo de fitosanitarios. Neste mesmo punto acordouse instar á consellería a realizar cursos específicos e a estudar si as prazas poden estar limitadas por RPT.
  6. O servizo de Prevención presentou unha avaliación de riscos dos postos adscritos aos distritos forestais que viñamos esixindo desde vai anos. Acórdase que esta é unha avaliación inicial e ampliar as tarefas incluídas na avaliación a todas aquelas que non teñen contacto directo co lume (extinción). Reclamamos a inclusión dos riscos sicosociais e o traballo en illamento (solitario) dos axentes forestais. Desde a CIG presentaremos achegas ao documento nos vindeiros días.
  7. Presentouse información sobre o grupo de traballo constituído para a análise dos riscos sicosociais na consellería do Medio Rural e do Mar. Houbo dúas reunións (maio e xuño) nas que se delimitaron os parámetros e cuestión da enquisa seguindo o método de ITSAS. Como proba piloto delimitouse servizos centrais. Está pendente que AMTEGA prepare un programa para a recollida e xestión electrónica das enquisas.

* No apartado de rogos e preguntas pediuse que no vindeiro CSSL se debata sobre que as RPT´s pasen polo CSSLMR. Amais desde a CIG propuxemos  que os EPIS sexan valorados (cumprimento da normativa e operatividade) nas visitas de avaliación de riscos e tamén as carteleiras ou cuadrantes de traballo.

Outras novas recentes

Martes, 21 Outubro 2025

Borradores dos procesos selectivos de corpos xerais, PSX, auxiliar de clínica e psicoloxía

Dende a Dirección Xeral de Emprego Público e Administración de Persoal remítenos os borradores de convocatorias dos seguintes procesos selectivos para alegacións ata o venres 31 de outubro ás 15:00 horas. Corpo auxiliar da Administración xeral da Comunidade Autónoma de Galicia, subgrupo C2, escala de persoal de servizos xerais (PSX). PI. Descarga documentación Corpo de...
Luns, 20 Outubro 2025

Proposta de modificación da RPT do Instituto Galego de Vivenda e Solo (MSF 17/10/25)

O pasado venres día 17 de outubro á Mesa Sectorial trouxeron a proposta de modificación da relación de postos de traballo (RPT) do Instituto Galego de Vivenda e Solo (IGVS) Contido da proposta: Creacións de 24 postos de traballo: 1 posto de director/a, 5 postos de xefatura de servizo, 1 posto de xefatura de oficina técnica ,5 postos de xefatura de sección, 5 postos de...
Mércores, 22 Outubro 2025

Aprobadas as convocatorias de promoción interna de corpos xerais, e modificación puntual RPT PS (CP 21/10/25)

Asistimos á Comisión de Persoal do 21/10/25, onde quedaron aprobadas as bases dos procesos selectivos de promoción interna a corpos xerais (A1, A2, C1 e C2). Tamén quedou aprobada unha modificación puntual da RPT de Política Social para executar unha sentenza que afecta a tres postos da escala de Traballo Social. Na rolda aberta de intervencións falouse das prazas “con...