Novas por contido

A Xunta continúa así coa fomalización de contratos con consultoras que incide na privatizacións dos servizos e que, aínda por riba, carece de xustificación.

A seguinte é unha desas consultoras das que o propio persoal do centro non ten nin idea da súa existencia, xa que logo, non se sabe a que se dedica.  A Axencia Galega de Infraestruturas formalizou o 7 de marzo de 2014 un contrato para a para realización de "consultoría funcional de procedementos administrativos competencia desta Axencia". Este contrato foi finalmente adxudicado a E-TECNIA GEOSISTEMAS E INGENIERIA, S.L. por un valor de 79.073,83 € (sen IVE) e cun prazo de execución de 18 meses.

O obxecto deste contratro de servizos é algo que no resto de centros ou departamentos da Xunta se fai con traballadoras e traballadores públicos e cordinado pola Dirección Xeral de Avaliación e Reforma Administrativa (que para iso esta). Estas son esas "complicadas" funcións descritas polo contrato que xustifican aumentar o gasto público cunha privatización TOTALMENTE INNECESARIA.

- Análise de posibles evolucións funcionais e rexistro das incidencias do grupo de usuarios.
- Elaboración de informes e consultas estatísticas non planificadas.
- Estudo e mellora de procedementos de traballo da AXI

O obxectivo final deste contrato de servizos, se vemos o prego de prescripcións técnicas do contrato, é contratar a 2 persoas durante 1,5 anos, nin máis nin menos. E ollo ao perfil das persoas, como se non houbera o persoal propio preciso na Xunta, ou as categorías e escalas necesarias, para acometer eses traballos:

- 1 Xefe de unidade, que cumpra os seguintes requisitos:
Titulado universitario.
Máis de cinco (5) anos de experiencia en xestión de proxectos e de equipos de traballo.

- 1 Consultor de negocio, que cumpra os seguintes requisitos:
Titulado universitario.
Experiencia de dous (2) anos en aplicacións de xestión contable de Administracións Públicas (XUMCO2 ou similar) sometidas a unha fiscalización limitada previa.

Chama a atención a "experiencia na xestión contable de Administracións públicas", e xa que logo, que unha persoa que non sexa traballador ou traballadora pública poida ter experiencia no manexo dunha ferramenta como o XUMCO2 que é de uso exclusivo para persoal propio que traballa dentro da Xunta. Isto resulta un indicio que este contrato apunta a persoas que xa estiveron traballando cun contrato de serivzos similar dentro da propia sede da Axencia de Infrastructuras.

Este tipo de contratos, moi cuestionados polas súas funcións, contrastan ademais coa política de austeridade da Xunta de Galiza co persoal propio. Por outra banda, sementan moitas dúbidas sobre o funcionamento da Administración, máxime nun momento en que saen á luz pública moitos dos intereses espúreos e corruptelas que se agochan tralas privatizacións dos servizos públicos.

Outras novas recentes

Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Martes, 19 Agosto 2025

A CIG critica a caótica xestión do Goberno galego en materia de persoal de incendios

Alertamos de que se están a facer chamamentos en plena vaga de lumes sen tempo para formar en prevención. Dende a CIG-Autonómica denuncia a caótica xestión da Xunta de Galiza en materia de persoal do Servizo de Prevención e Defensa contra Incendios Forestais (SPIF), até o punto de que a día de hoxe aínda non se coñecen nin as vacantes que están por cubrir. Temos datos de...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...