Novas por contido


Este sábado, día 7 de xuño, celebrarase en Compostela a VI Asemblea Nacional da CIG-Autonómica, baixo o lema “Na defensa dos Servizos Públicos e dos nosos dereitos. En loita contra os recortes”. Á asemblea asisten 158 compromisarias/os procedentes de todas as comarcas que debaterán o Informe de Xestión da Executiva Nacional e o Regulamento de Funcionamento do Sector para os vindeiros catro anos. Ademais elixirán a nova Executiva, as/os representantes do sector na Dirección Nacional da Federación e o novo secretario nacional.

Nesta VI Asemblea elixirase unha Executiva Nacional de 7 membros, 5 representantes do Sector na Dirección Nacional da Federación e 15 membros, que sumados aos anteriores e aos Responsábeis Comarcais da Autonómica constituirán a nova Dirección Nacional do sector da CIG-Autonómica.

Rematado o prazo de presentación de candidaturas preséntase unha única para cada un destes tres órganos e tres candidatos para a Secretaría Nacional: Uxío Zabala Iglesias, Anxo Anta Rodríguez e Roberto Varela Gestal.

O obxectivo que se marca o sector nesta VI asemblea é facer unha CIG máis forte como instrumento para que as/os empregadas/os públicas/os recuperen seus dereitos e, xunto co resto das/os traballadoras/es, impedir as privatizacións defendendo uns servizos públicos galegos e de calidade.

Outras novas recentes

Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade. 1. Cal...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...
Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse. Sen convocatoria á CIG para as negociacións...