Novas por contido

As centrais sindicais CIG, CCOO, UGT e CSIF, levan denunciando desde o inicio do mes de xuño a situación de perigo prevista en materia de incendios forestais para este verán, segundo as previsións feitas pola AEMET e sumando á ausencia da implantación dunha política de prevención de incendios que evitase a gran cantidade de combustible que na actualidade hai no monte. Por qué a Xunta fai oídos xordos?.

Desde que comezamos o período de máximo risco, no mes de xullo, o IRDI foi máximo na maioría do territorio de Galicia. A probabilidade de lume é moi alta, as temperaturas están sendo moi elevadas, o vento de nordés está presente case todos os días e a vexetación está desecada.

Mentres tanto a Xunta segue a mentir descaradamente argumentando que o operativo está listo, pero a realidade é outra. As brigadas dos concellos que constan no Pladiga aínda non están operativas, retrasouse o inicio das brigadas de Seaga ata o 16 de xullo e continúan sen cubrir as baixas, xubilacións e postos vacantes do dispositivo propio da Xunta. As consecuencias de todo isto son que os lumes se apagan con brigadas de 2 ou 3 compoñentes, poñendo en perigo a seguridade de todos e facendo moi complicada a dirección de extinción por parte dos Axentes Forestais e Medioambientais. A ausencia de persoal para a condución de vehículos motobomba, fai que non estén todas dispoñibles. A isto hai que engadir outra das “improvisacións” da Xunta, que non preveu na contratación de avionetas de carga en terra, as motobombas necesarias para as súas bases aéreas e agora hai que restalas do operativo de extinción de incendios. Avionetas que, por certo, son moi vellas e deterioradas o que fai que se sufran accidentes constantes como foi o caso da avioneta de Doade, que afortunadamente foi na pista de aterraxe. De producirse nun incendio as consecuencias serían desastrosas.

As organizacións sindicais denuncian que non se realizou a prevención en inverno, e que os bulldozer están a limpar os cortalumes no lugar de estar en retén, co que isto fai que tarden máis de tres horas en chegar ós lumes. Cando chegan, ós lumes teñen unhas dimensións xa importantes.

As organizacións sindicais recórdanlle á Conselleira que os lumes se apagan con motobombas e brigadas, non con cabalos. Sen embargo, a falta de persoal provoca situacións nas que un só Axente deba cubrir, na súa garda, un territorio de ata vinte concellos. Isto é ter medios?

Lémbranlle á Secretaría Xeral que a época para realizar os desbroces de prevención é no inverno e que non van ser cómplices da improvisación de dita Secretaría, ordenando traballos de desbroce tanto as brigadas Municipais como de Seaga con temperaturas superiores ós 30 grados e co índice de perigo extremo.

Denuncian que por culpa da mala xestión da Xunta de Galicia teñamos que lamentar que o incendio rexistrado no concello Calvos de Randín queimara máis de 150 ha no Parque Natural do Xurés.

Outras novas recentes

Venres, 29 Agosto 2025

O PP despreza ao persoal bombeiro forestal

Xa sabiamos que para o PP a culpa dos lumes é de todo o mundo menos deles. Agora ben hoxe coñecemos unha mensaxe tremenda da presidenta do PP do Barco de Valdeorras nas redes sociais. Que esta señora afirme que a única culpa dos lumes a teñen os incendiarios e algún das brigadas forestais supera tódolos límites e ahí sí que se van atopar de fronte coa CIG. E non contenta...
Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...