Desde a CIG-Autonómica, ante a falla de difusión por parte da administración da existencia dun seguro para os accidentes acontecidos en tarefas de extinción de incendios forestais, trasladamos a seguinte información da cobertura existente:
En virtude da Lei 43/2003, de 21 de novembro, de Montes (B.O.E. de 22 de novembro), do seu regulamento aplicable e da Orde Ministerial de 21 de xuño de 1977 (B.O.E. de 2 de xullo) e sucesivas actualizacións e modificacións, o Consorcio de Compensación de Seguros é a aseguradora dos accidentes producidos en Incendios Forestais, sendo o Tomador o Ministerio de Agricultura, Alimentación y Medio Ambiente a través da Dirección General de Desarrollo Rural y Política Forestal e os asegurados aquelas persoas que sufran accidentes corporais co motivo da súa participación nos traballos de extinción de Incendios Forestais.
Polo tanto, se se produciran danos nas persoas como consecuencia da súa colaboración na extinción de incendios forestais, o accidentado, o beneficiario ou o seu representante deberá formular tan pronto como lle sexa posible, dacordo co previsto na Lei 50/1980, de 8 de octubre, de Contrato de Seguro, a oportuna reclamación ao Consorcio de Compensación de Seguros. Subdirección de Seguros Agrarios. Pº de la Castellana, 32. 28046 – Madrid.
A cuantía da indemnización está regulada pola Orden Ministerial de 3 de agosto de 2001
* Podedes ampliar a información nos seguintes enderezos electrónicos:
- Consorcio de compensación de seguros
- Orde pola que se fixan as indemnizacións por accidentes en traballos de extinción de incendios forestais
Para calquera dúbida ou aclaración do comentado neste documento, ponte en contacto con nós.