Novas por contido

Comedor en Pontevedra

Resultado dunha negociación tras o fracasado intento doutra organización sindical, a CIG conseguiu un acordo coa Secretaría Territorial e a Xefatura Territorial de Presidencia para habilitar un comedor dentro do edificio administrativo para uso dos traballadores/as que así o soliciten. O compromiso inicial era utilizar de xeito experimental a sala de lactación como única opción posible. Curiosamente, cando insistimos que comezase o comedor como proba, o correo que as persoas responsábeis do edificio enviaron a todo o persoal recolle unha opción diferente: usar o espazo na cafetería condicionado ao consumo de bebida.

Aínda que cremos que non é a mellor das opcións porque impide facer uso do microondas, frigorífico ou vertedoiro que hai na sala de lactación, anímate a facer uso desta alternativa xa que así poderase comprobar cal é a demanda e con eses datos poder solicitar un lugar máis axeitado como solicitamos nun principio.

O comedor en Vigo

No caso do edificio de Vigo, onde non existe cafetería no interior do centro de traballo, lembramos que fai xa varios anos que a CIG conqueriu dos responsábeis do edificio a habilitación dun espazo para poder comer. Está ubicado no segundo andar da torre principal, a altura de xestión económica. A sala, tamén dispoñíbel para quen precise espazo para lactación, dispón dun microondas.

Outras novas recentes

Xoves, 19 Novembro 2026

Aplicación do Decreto 37/2006 e listas definitivas de PSX e xerocultura

No DOG do 19/11/2026 publican: - RESOLUCIÓN do 13 de novembro de 2026, da Dirección Xeral de Emprego Público e Administración de Persoal, pola que se dispón a aplicación do Decreto 37/2006, do 2 de marzo, na cobertura dos postos do corpo auxiliar da Administración xeral da Comunidade Autónoma de Galicia, escala de persoal de servizos xerais (PSX), e do corpo de auxiliares...
Xoves, 19 Novembro 2026

Oposicións acceso libre: corpos superior, xestión, administrativo, auxiliar; escala FOL; enquisador, (para 24/11/26)

A Dirección Xeral de Emprego Público e Administración de Persoal convocou Mesa Xeral e Mesa Sectorial para discutir as bases das convocatorias dos seguintes procesos selectivos. Se é do teu interese, podes contactar coa CIG: Corpo superior-A1. Acceso libre. 60 prazas. Oposición. Descargar Corpo de xestión-A2. Acceso libre. 57 prazas. Oposición. Descargar Corpo...
Venres, 13 Novembro 2026

RPT Emprego, Comercio e Emigración (11/11/26)

A Consellería de Emprego, Comercio e Emigración, convocou aos sindicatos a unha xuntanza para falar da súa proposta de modificación da Relación de Postos de Traballo da consellería. Descargar Contactamos coa consellería para pedir explicacións polo feito de que nos convocasen con menos de 48 horas de antelación (restando a xornada de Folga Xeral), o que imposibilita estudar...