Visto o incumprimento da consellaría de Facenda, dirección xeral da Función Publica, no que a execución do V convenio colectivo se refire, o comité intercentros do persoal laboral da Xunta de Galiza e os órganos de representación dos traballadores e traballadoras, na súa xuntanza celebrada o 06/10/2015, acordamos convocar unha manifestación para o Xoves 26 de novembro, entre as 10:30 e as 12:00 horas, que consistirá nunha manifestación dende o Parlamento de Galiza ata o edificio administrativo da Xunta en San Caetano para a reivindicación dos seguintes aspectos:
1.Convocatoria inmediata do concurso xeral de traslados para o persoal laboral da Xunta de Galiza, tal como así esta recollido no art. 7.2.a) do convenio. O pasado ano, o director xeral da Función Publica comprometeuse con este comité intercentros á convocatoria do concurso ao longo do terceiro trimestre do 2014. Compromiso que volveu a incumprise neste primeiro trimestre cando, iniciada a negociación das familias profesionais que posibilitaran o concurso aberto, función publica presentou unha proposta de amortización, supresión e reorganización de categorías que imposibilitaría o concurso para os postos de traballo susceptíbeis de funcionarización tendo en conta a disposición adicional novena da Lei do Emprego Publico de Galiza pola que se crean as escalas de servizos sociais.
As declaracións de función publica nas distintas mesas de negociación deixan caer que haberá concurso traslados de laborais unha vez que se acorde a amortización e supresión das categorías susceptíbeis de pasar a escala de servizos sociais.
2. Derrogación da Lei 1/2012 de medidas do emprego público pola que se suspenderon os arts. 19 (agás a alínea 1), art. 29, art. 34.2 e a disposición adicional terceira.
3. Derrogación da disposición adicional decimo cuarta da Lei 1/2014, de 19 de decembro, de orzamentos xerais da comunidade autónoma de Galiza para o ano 2015, pola que se suspende o art. 19 do convenio colectivo así como o primeiro parágrafo do punto 3.3.8 do acordo polo que se establecen as condicións especiais de traballo do persoal do servizo de prevención e defensa contra incendios forestais de Galiza.
Por todo isto, convidamos á participación activa coa mobilización dos traballadores e traballadoras.
Xoves 26 de novembro de 2015, manifestación
Saída ás 10:30 dende o Parlamento ata San Caetano
Convoca: Comité Intercentros
Bus dende Vigo e Pontevedra
A saída do autobús farase dende a rotonda da Residencia de Válidos no Meixueiro ás 8:15 h. Faráse parada no CAPD de Chapela (no barrio Parada) ás 8:30 h. Ás 9:00 h. recolleráse as/aos compañeiras/os de Pontevedra no Pavillón dos deportes. A chegada a Santiago está prevista para ás 10:55. Para anortarse hai que facelo chamando aos seguintes teléfones:
- CAPD: 986 451255
- Asistida: 986 374141
- Válidos: 986 253511
Bus dende Lugo
Saida dende Sarria ás 7:45.
Lugo: ás 8:15, diante dos sindicatos.
