Novas por contido

O presidente e secretaria da Xunta de Persoal funcionario da provincia de Pontevedra entrevistáronse o 22 de setembro coa secretaria territorial de Vigo. Tratáronse os seguintes asuntos:

Desfibrilador

Temos a disposición un desfibrilador que antigamente estaba ubicado no despacho do médico da mutua, no oitavo andar. A Xunta de Persoal solicitara o seu traslado á planta baixa, pero este non se colocou en lugar accesíbel, motivo da nosa queixa. A explicación que se nos trasladou é que non se ubicou porque aínda non se cumpriran os trámites burocráticos esixidos e que quedará instalado proximamente no rexistro do edificio.

Médico da mutua

Queixámonos da habitual ausencia do médico da mutua. Afirma a secretaria territorial que xa falara con Mugatra para que non ocurra máis a ausencia do médico no edificio admvo. de Vigo.

Grupos de emerxencia e primeira intervención

Lembrámoslle a necesidade de revisar os equipos de emerxencia e primeira intervención, tendo por riba en conta os inminentes cambios polo concurso de traslados de corpos xerais. Comprométese a secretaria territorial a revisalo despois da toma de posesión do concurso e farase unha xuntanza para formar de novo ás persoas que integran os grupos.

Outros asuntos tratados pola Xunta de Persoal na súa sesión do día 21 de setembro

Arquivo do edificio de Vigo

Este arquivo está saturado consecuencia da situación do arquivo histórico de Pontevedra. Esto afecta ás distintas consellerías que teñen orde de non enviar documentos. Só hai unha técnico, que non é substituída. O espurgo parece que xa está empezando a funcionar pero tardará en notarse.

A Xunta de Persoal porase en contacto coas consellerías de Presidencia e Cultura para tratar o asunto.

Solicitude de retirada de datos médicos en IT

A Xunta de Persoal enviara escrito á Administración solicitando a retirada de datos médicos nos documentos de IT que deben presentarse na empresa para xustificar o pagamento do 100% das retribucións. Ante a falta de resposta enviaramos escrito de denuncia ao Valedor do Pobo. Reiteramos a denuncia ante a inacción da Administración.

Substitucións no arquivo de Pontevedra

Insistimos nas denuncias de falta de cobertura das prazas do arquivo de Pontevedra. Porémolo en coñecemento do Valedor do Pobo.

Outras novas recentes

Martes, 27 Setembro 2022

CIG-Área Pública exixe convocar xa a Mesa Xeral para negociar a recuperación salarial

A CIG-Área Pública vén de dirixirse por escrito á ministra de Facenda e Función Pública para exixir á convocatoria inmediata da Mesa Xeral de Negociación das Administracións Públicas co obxectivo de iniciar canto antes a negociación das medidas de recuperación dos salarios e dos dereitos do persoal empregado público que debe conter o Proxecto de Lei dos Orzamentos Xerais...
Martes, 27 Setembro 2022

Privatizar e desmantelar o sistema público: no ADN da Xunta do PP

Diminuír os centros públicos e pagar a empresas privadas, dende escolas infantís a residencias de maiores A Xunta comezou este ano a aplicar a gratuidade para as persoas usuarias das escolas infantís de cero a tres anos. Até aí, perfecto. A perversión da medida radica en que isto non consiste en crear máis centros públicos senón en pagarlle con cartos públicos a empresas...
Luns, 03 Outubro 2022

Mobilizacións o 6 de outubro para exixir medidas urxentes para enfrontar a crise e a pobreza

Haberá asembleas de delegadas/os e protestas nas sete comarcas O próximo xoves, 6 de outubro, a CIG ten convocadas asembleas de delegadas e delegados e mobilizacións en todas as comarcas para exixir que se adopten medidas que eviten que a clase traballadora sexa quen pague a nova crise. As protestas enmárcanse na campaña para demandar a aplicación das 10 medidas urxentes...