Novas por contido

Tendo en conta a situación sanitaria actual provocada pola COVID e vendo que a Xunta parece que non ten intención de activar ao SPIF para facer tarefas de desinfección, a semana pasada a CIG solicitou retomar o traballado realizado durante a pandemia nos meses de marzo a xuño polos traballadores/as do servizo de incendios.

Porén, tamén solicitamos que se prorrogue o tempo de actividade do persoal fixo descontinuo para poder realizar tanto os labores de desinfección coma os de prevención de incendios.

Dende a CIG reiteramos que o SPIF é un servizo de emerxencias profesional e versátil e que hai que aproveitar as súas capacidades. Neste senso, vimos de solicitar que se active ao Servizo de incendios para retomar os labores de desinfección fronte á COVID. O empeoramento dos datos desta pandemia require empregar tódolos recursos posíbeis para mellorar a seguridade de toda a poboación galega.

Pero hai que ter en conta tamén que hai que realizar as tarefas preventivas dos incendios forestais, polo que co aumento do tempo de traballo do persoal fixo descontinuo habería efectivos suficientes para realizar ambas tarefas de xeito máis amplo. Porén, estas tarefas serían básicas para loitar contra os lumes que sofre o territorio galego que son cada vez máis agresivos, imprevisíbeis e desestacionais,tendo en conta a realidade meteorolóxica cambiante actual e a evolución na tipoloxía dos lumes. Investir agora en prevención é minimizar os efectos e consecuencias dos lumes no futuro.

Os argumentos que nos dá a Consellería dicindo que nos meses de inverno hai “pouco traballo” no SPIF son unha falacia, e menos na situación sanitaria actual, o que si é certo é que no inverno os efectivos dispoñíbeis son escasos.
A Consellería segue empeñada en non ter en conta o carácter de servizo de multiemerxencia do SPIF. O inverno é época de nevaradas, temporais, etc., e o SPIF conta con efectivos situados na proximidade do rural para apoiar a atención destas continxencias.

Por que non se fai prevención todo o ano? Por que se habilitou facer traballos preventivos parte do mes de xullo(en pleno alto risco) porque era moi necesario e agora non pasa nada se non se fan en inverno? Por que tendo en conta a situación sanitaria actual non se activa ao SPIF para facer tarefas de desinfección fronte á COVID? Por que a Consellería non aproveita este tempo no que segundo eles case non “hai traballo” para formar ao seu persoal? A Consellería predica unha cousa pero a realidade dos seus actos di outra, traballo hai para ampliar o tempo de traballo de todo o persoal do SPIF pero disposición por parte da Consellería NON

Outras novas recentes

Mércores, 20 Agosto 2025

‘Por un Monte Galego con Futuro’ convoca protestas contra a política forestal do PP “que queima os montes e as casas”

A CIG fai un chamamento a participar nas 26 concentracións que terán lugar en cidades e vilas de todo o país este xoves 21 a partir das 20:00h A plataforma ‘Por un monte Galego con Futuro’ convoca mobilizacións para denunciar que a actual vaga de incendios que está a padecer Galiza é consecuencia directa da política forestal do PP, unha política forestal que, tal e como...
Xoves, 28 Agosto 2025

Rueda, o máximo responsábel político da prevención e extinción de incendios na Galiza, debe cesar a conselleira de Medio Rural

Manter á conselleira e a unha cúpula de altos cargos incompetentes en Medio Rural faino máis cómplice do desastre A traxedia dos lumes que está a padecer Galiza é en grande medida froito das políticas de prevención e extinción dos lumes do PP que a converteu nun polvorín. A CIG leva anos advertindo das carencias na prevención e na nefasta xestión da extinción que pon a...
Venres, 22 Agosto 2025

Máis de 45.000 persoas bótanse á rúa en toda Galiza contra a política forestal do PP e en solidariedade coas persoas afectadas pola vaga ...

A CIG reclama medidas inmediatas para recuperar os bens e paliar as consecuencias, e un servizo público único, de xestión directa e dependente da Xunta de Galiza, para traballar na prevención e respostar ás multiemerxencias do medio natural e rural durante  todo o ano. Un total de 29 localidades de todo o país acolleron o 21 de agosto mobilizacións multitudinarias...