Novas por contido

Saen as prazas a comisión de axentes ambientais en Ourense

Detalles

A Xefatura Territorial de Ourense da CMATV oferta as prazas a comisión de servizo de axentes ambientais que ten sen cubrir, do 22 ao 29 de xuño. A oferta responde as queixas e demandas da CIG de falta de cobertura das vacantes.

A Xefatura Territorial de Ourense da Vicepresidencia segunda e Consellería de Medio Ambiente, Territorio e Vivenda, ven de convocar a comisión de servizo as prazas de axentes ambientais. A maioría destas prazas levan anos sen cubrirse porque Facenda non autoriza a súa cobertura por listas de contratación, ao non consideralo un servizo prioritario.

Dende o 2010 o cadro de persoal de axentes ambientais pasou de 45 axentes na provincia a apenas 32, sobrecargando de forma insostible ao persoal, e prexudicando o servizo público ao non poder realizarse todas as quendas horarias ou cubrir o territorio adecuadamente.

Ademais a falta de persoal leva a que moitas veces se dividan os equipos, tendo que traballar en solitario para cubrir determinados servizos o que aumenta o risco de accidentes e de agresión a estes funcionarios/as públicos.

Para máis, a falta de cobertura durante anos fixo que algunhas das prazas foran amortizadas para financiar outros postos de estrutura da consellería en Santiago de Compostela.

Dende a CIG opoñémonos a perda de emprego na provincia de Ourense, a máis castigada proporcionalmente, na destrución de emprego público. Xusto unha provincia onde o sector publico ten un peso fundamental na economía e é sustento de moitas familias ourensás.

Si se cubren as prazas estamos de parabéns. Estes son os requisitos:

- Ser funcionario/a público de escalas ou subgrupo co mesmo requisito de titulación (artigo 96.2 lei 2/2015)
- Carnet de conducir A (moto) e B

Mais información nesta ligazón https://www.xunta.es/comisions/

PRAZAS OFERTADAS DE AXENTES AMBIENTAIS

  • DISTRITO: XI - O RIBEIRO / ARENTEIRO - MAC993011032190003
  • DISTRITO: XI - O RIBEIRO / ARENTEIRO - MAC993011032190004
  • DISTRITO: XI - O RIBEIRO / ARENTEIRO - MAC993011032190005
  • ZONA: OURENSE - CELANOVA - MAC993012132001004
  • COMARCA: VALDEORRAS - MAC993013132090005
  • ZONA: BAIXA LIMIA - PARQUE NATURAL BAIXA LIMIA - SERRA DO XURÉS - MAC993015132060002
  • ZONA: BAIXA LIMIA - PARQUE NATURAL BAIXA LIMIA - SERRA DO XURÉS - MAC993015132060008

Outras novas recentes

Xoves, 29 Outubro 2026

BYE, BYE FABIOLA!

Hai despedidas tristes. Cando unha compañeira ou compañeiro de traballo abandona porque non pode manter á súa familia co salario que cobra, ou remata farta e con medo ás agresión que todas e todos sufrimos. eowpzSxtLVM| Nestes últimos tempos, marcados polos conflitos en ensino infantil 0-3, en menores, na discapacidade, en dependencia, en residencias, nos SAF, servizos...
Mércores, 28 Outubro 2026

Xuntanza para a modificación da Orde de horarios do Servizo de Gardacostas (23/10/2026)

Despois da reunión de mesa sectorial de hai un mes onde se abordou a modificación da Orde do 2 de maio de 2006 pola que se establece o réxime de prestación de servizos, horarios, vacacións, licenzas e permisos e compensacións económicas para percibir polo persoal do Servizo de Gardacostas de Galiza, é previo á levar o texto á Comisión de Persoal onde se aprobaría, a...
Xoves, 29 Outubro 2026

Primeira xuntanza con Educación por un Acordo para o Persoal Non Docente: unha perda de tempo

A CIG denuncia a falta de compromiso e de vontade negociadora da Consellaría e advirte de que non vai permitir que se siga adiando unha reivindicación histórica do persoal non docente. As expectativas xeradas pola apertura dunha vía de negociación coa Consellaría de Educación para acadar un acordo que dea resposta ás demandas do persoal non docente quedaron frustradas na...