Este venres publicarase no Diario Oficial de Galiza (DOG) a resolución para a apertura do prazo de novas inscricións para as listas de contratación temporal da Xunta de Galiza. Segundo a información adiantada, prevese a apertura dun gran número de categorías.
A actualización de datos do Consorcio presenta actualmente un atraso significativo. Para solventar esta situación, tomáronse as seguintes medidas:
- Incorporáronse 3 persoas ao servizo para axilizar a gravación e actualización de datos.
- Polo falado na reunión parece ser que as primeiras citacións para centros do Consorcio van ser para a escala de Educación Infantil. Posteriormente irán incorporándose o resto.
Situación das listas de PSX e persoal Xerocultor.
Debido ao alto volume de traballo derivado das novas inscricións, o cronograma para estas categorías específicas queda fixado do seguinte xeito:
- Pasado os primeiros días de marzo (polo volume de novas inscricións nesas datas): publicarase no DOG unha resolución para abrir o prazo de modificación de ámbitos nas solicitudes antigas.
- Procedemento: Esta resolución é necesaria xa que o sistema non permite abrir a modificación de ámbitos de forma individual para unha soa lista.
- Baremo: unha vez rematado o proceso de modificación de ámbitos e actualizados os datos do Consorcio, publicarase o baremo provisional.
Calendario de Reunións
A próxima xuntanza da Comisión de Seguimento está fixada para o vindeiro 25 de marzo.
