No DOG do 03/01/2024 a AXENCIA DE TURISMO DE GALIZA publica a RESOLUCIÓN do 21 de decembro de 2023, do tribunal nomeado para xulgar o proceso selectivo extraordinario, convocado pola Resolución do 28 de decembro de 2022 (Diario Oficial de Galiza número 248, do 30 de decembro), pola que se aproba e se fai pública a baremación definitiva do exame tipo test e se dá publicidade de diversos acordos.

Aproban e fan pública a baremación definitiva do exame tipo test da fase de oposición do proceso selectivo, recollida no anexo, que poderá consultarse no portal web corporativo da Axencia Turismo de Galiza, no enderezo electrónico: https://www.turismo. gal/espazo-institucional

Declaran vacante a praza de profesor/a de Hixiene, Dietética e Nutrición, xa que ningunha das persoas aspirantes admitidas ao proceso superou a proba escrita. Esta praza terá que ser convocada de novo, de acordo co procedemento que no seu momento se determine.

Aproban e fan público o día, a hora e o lugar de realización da segunda proba (defensa unidade didáctica) da praza de profesor/a de prácticas do Departamento de Servizos (grupo II), que terá lugar, o venres, 2 de febreiro de 2024, ás 16.30 horas, na sede do Centro Superior de Hostalaría de Galiza (A Barcia. Estrada Santiago-Noia km 3, 15896 Santiago de Compostela). A esta proba soamente terán acceso as persoas que acadaron un mínimo de 20 puntos na proba escrita, en virtude do acordo do tribunal, do 4 de outubro de 2023.