No DOG do 15/03/2024 publican a RESOLUCIÓN conxunta do 13 de marzo de 2024, dos tribunais nomeados polas resolucións do 14 de decembro de 2023 (Diario Oficial de Galiza número 240, do 20 de decembro), encargados de cualificar os procesos selectivos extraordinarios de estabilización derivados da Lei 20/2021, do 28 de decembro, pola quenda de acceso libre e mediante o sistema de concurso-oposición, para o ingreso na categoría 10B, vixiante fixo/a de defensa contra incendios forestais, e na categoría 10C, emisorista de defensa contra incendios forestais. Escoita incendios, do grupo V do persoal laboral da Xunta de Galiza, convocados pola Resolución do 22 de decembro de 2022 (Diario Oficial de Galiza número 245, do 27 de decembro), modificada polas resolucións do 20 de xaneiro de 2023 (Diario Oficial de Galiza número 15, do 23 de xaneiro) e do 6 de febreiro de 2023 (Diario Oficial de Galiza número 26, do 7 de febreiro), pola que se dá publicidade a un acordo.

Convocan o segundo exercicio do proceso selectivo o día 25 de marzo de 2024, ás 12.00 horas, en chamamento único, na Escola Galega de Administración Pública (EGAP), situada na rúa de Madrid, 2-4, 15707 Santiago de Compostela (A Coruña), segundo a distribución que se indica no anexo.